Noiz sortua: 2018-06-10 00:30:00

HIZKUNTZA GUTXITUETAKO HEDABIDEAK (VII)

Komunitatea dute apustu

2012. urtean sortu zuten 'Praza Pública' galegozko hedabide digitala. Publizitatea eta bazkideen ekarpenak dituzte diru iturri, eta komunitatea sendotzea funtsezkotzat dute.
<em>Praza Pública</em> galegozko hedabide digitalaren kazetariak, lanean.
Praza Pública galegozko hedabide digitalaren kazetariak, lanean. PRAZA PUBLICA Tamaina handiagoan ikusi

Urtzi Urkizu -

2018ko ekainak 10
Duela zazpi-zortzi urte inguru, galegozko hainbat hedabidek itxi egin behar izan zuten. Hala, kazetaritza, kultura eta unibertsitate arloetako hainbat lagun elkartu ziren 2011n, komunikabide digital berri bat sortzeko. «Galiziako ikuspuntuarekin, galegoz, eta aurrerakoia behar zuen proiektuak. Eta horrela sortu zen Praza Publica fundazioa», azaldu du David Lombaok, Praza Pública hedabide digitaleko zuzendariak —2012. urtean sortu zenetik ari da bertan lanean—. Hasierako erredakzioan hiru kazetari ziren, eta beste bi kolaboratzaile. Ez da asko handitu lantaldea: 2018an, lau kazetari lanaldi osoz ari dira, eta beste hiru kolaboratzaile dituzte.

Galiziak 2.700.000 biztanle inguru ditu, eta horien erdiek dakite galegoz. Praza.gal hedabide digitalak hilean 150.000 bisita inguru ditu, eta Lombaok nabarmendu du estrategiak ari direla lantzen irakurle gehiago lortzeko, «baita bilatzaile handien eta sare sozial batzuen algoritmoen mugak gainditzeko ere». Sare sozialetan batik bat Twitterren aritzen dira, eta 23.000 jarraitzaile dituzte.

Atariaren eduki guztiak dira galegoz, eta kazetaritza lanari garrantzi handia ematen diote, zuzendariaren aburuz. «Gure apustua da sakoneko gaien lanketaren eta aktualitatearen arteko oreka lortzea. Dena den, gehiago jotzen dugu erreportajerantz albiste laburretarantz baino. Egunero egiten dugu informazio apustu bat». Lombaok aitortu du ezin direla gai guztietara iritsi: «Ezin dugu helburutzat jarri gai denetara iristea, baina ez dugu halakorik nahi. Horregatik, uste dugu irakurleek guregandik gehiago espero dutela azaltzea zergatik gertatzen ari diren gauzak, zer gertatzen ari den baino».

Xuntaren laguntzarik gabe

Lombaok aitortu du Praza.gal egunkari digitala izan dela hasieratik, «eta bokazioz». Oinarri horri helduta, kazetariak nabarmendu du bat egin zutela bere garaiko teknologia berrienekin: «Adibidez, hasiera-hasieratik landu genuen gailu eramangarrien bateragarritasuna».

Hedabidearen diru iturriak bereziki bi bidetatik iristen zaizkie: publizitatetik eta bazkideen ekarpenetatik. «Galizian prentsaren testuingurua konplexua da; Galiziako Xuntaren laguntzek asko distortsionatzen dute merkatua, eta guk ezin izan ditugu inoiz diru laguntza horiek jaso». Publizitate instituzionaletik at ere utzi dute hedabidea, ComScorek ez duelako auditatuta. «Arrazoi horregatik, eta Interneteko publizitatea prezio oso baxuetan dagoelako, sinistuta gaude gure apustua bazkideen komunitatea dela. Komunitate hori funtsezkoa da gure proiektua egonkortu eta ziurtasunez haziz joateko».

Lombaori iruditzen zaio Praza Pública-ren moduko hedabideek garrantzi handia dutela hizkuntzarentzat, galegoarentzat: «Esan ohi da egunkari bat nazio bat dela bere buruarekin hitz egiten. Hori sinisten badugu, arrazoizkoa da hiztun galegoen komunitatearentzat informatu ahal izatea». Kazetariak uste du galiziarrek edozein eduki mota euren hizkuntzan normaltasunez jaso beharko luketela. Arazoen artean, aipatu du joera politiko jakin batzuk leporatu izan dizkiotela egunkari digitalari galego hutsean argitaratzeagatik.

Arazoak arazo, etorkizunari begira Lombaok bi erronka nagusi finkatu ditu hedabidearentzat: «Publiko berriak sortzen asmatzea eta audientzia datuak hobetzea. Eta, horrekin lotuta, oinarri soziala handitzea, diru sarrera gehiago lortu ahal izateko. Modu horretan, lantaldea zabaldu nahiko genuke, soldata duinekin eta egonkortasunarekin».

Gaur egun galegozko beste komunikabideekin elkarlanean aritzea duela hogei urte baino errazagoa dela aitortu du atari digitaleko zuzendariak. 2019rako paperezko egunkari bat sortzeko ari da lanean Sermos Galiza astekaria. Lombaok zorte ona opa dio proiektuari, baina ohartarazi du: «Inoiz ez da lortu paperezko egunkari bat egonkortasun nahikoarekin. Galegozko kazetaritzan melankoliatik ihes egin beharko genuke, eta ez tematu 'izan zitekeen eta izan ez zen' horretan».

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 400 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Araba, Bizkai eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek, Europara begira, Sanchez babestu du, eta onartu du egoera «oso konplexua» dela, baina hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 400 pertsona hil dira Euskal Herrian, eta 8.225 pertsona kutsatu

Irati Urdalleta Lete

50 pertsona hil dira atzotik, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna