Noiz sortua: 2018-05-20 00:30:00

HIZKUNTZA GUTXITUETAKO HEDABIDEAK (IV)

Bi gazteren ekimenetik

Bi hilabete dira 'Tempi Corsica' hedabide digitala martxan jarri zutela. Korsikeraz dira eduki guztiak, eta doan irakur daitezke denak. Kultura eta filosofia gaiek harrera beroa dute.
Ghuvan Santu Battestini eta Marcu Antone Faure, <em>Tempi Corsica</em>-ren sortzaileak.
Ghuvan Santu Battestini eta Marcu Antone Faure, Tempi Corsica-ren sortzaileak. BERRIA / BERRIA Tamaina handiagoan ikusi

Urtzi Urkizu -

2018ko maiatzak 20

Kasik jaioberritzat jo daiteke Tempi Corsica, korsikeraz argitaratzen den aldizkari digitala. Abenduan erregistratu zuten proiektua, eta martxoaren 7an ekin zioten artikuluak argitaratzeari. Testu guztiak korsikeraz idazten dituzte, askotariko gaien inguruan. «Konturatu ginen ez genuela gure hizkuntzan aldizkaririk nazioarteko gaiak lantzen dituenik, ezta ekonomiaz, soziologiaz edo beste gai garrantzitsu batzuen inguruan edukiak argitaratzen dituenik ere. Horregatik piztu zitzaigun ideia Marcu Antone Faure lagunari eta biori», azaldu du Ghuvan Santu Battestinik, Tempi Corsica-ren sortzaile, presidente eta kudeatzaileak. Faure hedabideko idazkari nagusia da.

Battestinik argi esan du ez dutela frantsesezko edukirik argitaratuko: «Frantsesak ez du tokirik, eta ez dugu halakorik nahi. Gure helburu nagusia da kulturaz, filosofiaz eta ekonomiaz gaiak lantzea korsikeraz». Kultura zabaltzeari garrantzi handiagoa ematen dio aldizkariaren sortzaileak, dirua lortzeari baino. «Gure webgunea %100 doakoa da. Gure iritziz, kulturak ez du preziorik, eta ez du izan behar dirua irabazteko. Aurrera atera ahal izateko, lagunak ditugun kazetariak eta unibertsitateetako ikerlariak aritzen dira idazten aldizkarian. Dinamismoz bete nahi dugu aldizkaria, beti korsikeraz».

Battestinik azaldu du webgunearen bisitari asko literaturazaleak direla. «Nabaria da literatura korsikeraz gogoko dutenak gerturatzen zaizkigula». Bestetik, konturatu dira filosofia gaiekin lotutako artikuluek izaten dutela zenbaitetan bisita gehien, «nahiz eta horietako batzuk ulertzeko errazak ez izan». Edonola ere, haien helburua «denaren inguruan» hitz egin ahal izatea da: «Aktualitatea, munduko gertakizun handiak, ekonomia arloko eraldaketak...».

«Logika kapitalistatik at»

Battestinik eta Faurek euren poltsikotik jarritako diruarekin sortu dute Tempi Corsica. «Oraingoz, gure diruarekin ari gara aurrera egiten. Baina laster finantzaketa kolektiboko kanpaina bat jarriko dugu martxan, datorren urtean proiektua sostengagarri egin, eta proiektu eta zerbitzu berriak martxan jarri ahal izateko», argitu du Battestinik. Izan ere, Tempicorsica.com atarian bada atal bat Fate un donu izenekoa —diruz lagundu—, eta horren bitartez dirua eman daiteke proiektuarentzat, Tipeee.com plataforma erabilita. «Proiektu hau ez dugu sortu dirua ateratzeko. Proiektua erabat aldenduta dago logika kapitalistaren interesetatik», dio Battestinik. «Ona dena da beti bat egingo dugula bilatzen dugun helburuarekin».

Aldizkariko kudeatzaileak gogoratu du korsikeraz 100.000 lagun inguruk hitz egiten dutela, baina hain komunitate txikiarentzat aritzea ez dela desabantaila: «Abantailatzat hartu behar dugu korsikera gure hizkuntza dela, eta gure hizkuntzan idaztea gozamena dela. Gainera, korsikeraz dakiten hartzaileek erabakia hartua dute hizkuntza mantendu egin behar dela. Horrek asko laguntzen du gure kultura garatzen eta zabaltzen», gaineratu du Battestinik.

Lehen bi hilabeteetan, 2.000-2.500 irakurle artean izan dituzte astero. «Emaitzarekin pozik gaude. Dena den, bidean hazi egin nahi dugu, eta horretarako egingo dugu lan». Battestinik uste du irakurleekin «gertuko» harremanean sakontzea funtsezkoa dela. «Irakurleen iritziak aintzat hartzen ditugu, eta hedabidea ikuspuntuak eta ideiak partekatzeko gune aberasgarria izan daiteke».

Korsikeraz gaur egun ez dago Tempi Corsica-ren antzeko aldizkaririk, eta ekarpena egin nahiko lukete Faurek eta Battestinik. «Hizkuntzari praktikarako indar gehiago eman nahiko genioke egunerokotasunean: eguneroko eztabaidetan, kalean, familian, lagunean edo irakasleekin», adierazi dute.

Sare sozialen erabilerari dagokionez, Twitterren «azken orduko albisteak» ematen ditu aldizkariak. «Facebooken, berriz, bestelako edukiak argitaratzen saiatzen gara: filmak, argazkiak eta pertsonaia esanguratsuen esaldi bereziak». Aldizkariko artikulu guztiak sare sozialetan ere argitaratzen dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna