Noiz sortua: 2019-07-11 00:30:00

Edurne Larrañaga. G7 Ez plataformako kidea

«Duintasunaren alde eta prekaritatearen aurka egiteko elkartu gara»

ANDONI CANELLADA / FOKU Tamaina handiagoan ikusi

Maider Galardi F. Agirre -

2019ko uztailak 11

Azaroan abiatu ziren G7 Ez plataformako lehen bilerak, eta, azken hilabeteotako prozesuaren ostean, 49 eragilek kontragailurra aurkeztu zuten atzo. Antolatzaileetako bat da Edurne Larrañaga, LAB sindikatuko kidea eta plataformako parte hartzailea. Hilabeteotan jositako «konfiantzak» eta azken urteetan Euskal Herrian «piztutako» mugimendu sozialek «berezi» egingo dute kontragailura, haren ustez.

Miarritzen izango da aurten G7koen goi bilera. Zer aldarrikatuko duzue kontragailurrean?

Erronka handia da gailurra Euskal Herrian egitea, guk baditugulako antolatuta hainbat borroka sektore: dela inperialismoaren aurka, dela heteropatriarkatuaren aurka, dela kapitalismoaren aurka... Azken urteetan ikusi dugu mugimendu sozialen suspertze bat: pentsiodunena, migratzaileei harrera egiten dietenena... Horregatik batu gara prekaritatearen aurka eta duintasunaren alde. Eredu berri bat aldarrikatzen dugu. Hiru helburu nagusi ditugu: G7ak aldarrikatzen duen kapitalismo horri ezetz esatea, alternatibak badaudela erakustea, eta horiek guztiak batzeko topagune izatea kontragailurra.

Irunen eta Hendaian egingo dituzue jardunaldiak, Miarritzeko ingurua segurtasun neurriek hartuta egongo baita. Setioa salatu duzu zuk.

Guneak atontzeko, harreman iraunkorrean egon gara instituzioekin, baina salatu behar dugu agintariek oztopoak jarri dizkigutela, azken unera arte ez baitigute azpiegitura guztia bermatu. Halere, gure xede nagusia da hona etortzen direnek diskurtso politikoan sakontzeko aukera izatea. Gainera, guretzat badu sinbologia berezi bat, ez-mugan baikaude; existitzen ez den muga honetan gaudelako.

Miarritze inguruan ere protesta egingo duzuela iragarri duzue, ezta?

Gure oinarriak dira borroka ideologikoa, masa mobilizazioa eta desobedientzia zibila. Adostu dugu bide baketsuak bakarrik erabiliko ditugula, baina interesgarria iruditzen zitzaigun Miarritzeko segurtasun neurrien muga kolorez janztea. Ez dugu legerik hautsiko, baina egingo dugu desobedientzia zibilean oinarritutako mobilizazio jendetsu bat.

Hainbat eragile aritu zarete plataforma sortzen eta kontragailurrari forma ematen. Nolakoa izan da prozesua?

Ipar Euskal Herritik ailegatu zitzaigun deialdia. Lehen bilera horietan adostu genituen lanerako printzipio batzuk, eta manifestu bat osatu genuen, guztiok babestuko genuena. Apurka joan gara egitaraua osatuz, adostasunean oinarrituta. Askotariko eragileak gara, eta partekatzen duguna jaso dugu egitarauan. Aniztasun hori gehigarria da guretzat; gainera, kontuan hartu behar da Ipar eta Hego Euskal Herriko eragileak gaudela. Nazio bat gara, baina praktikan gutxi dira antolaketari dagokionez nazio mailako egitura dutenak. Hau eredu da.

Prozesu luzea izan da?

Prozesu guztiek ekartzen dituzte irakaspen asko, eman eta hartu egin behar baita guztiok irabazteko. Oso aberatsa izaten ari da politikoki, baina baita emaitzan ere.

49 eragilek osatzen duzue plataforma. Espero duzue beste atxikimendurik?

Hainbat eragilek hartzen dugu parte kontragailurra antolatzeko bileretan. Eta, gainera, Frantziako Alternative G7 plataformakoekin ere izaten ditugu koordinazio bilerak, nahiz eta haiek beraien bilera propioak dituzten. Elkarlan horrek balio du elkarren arteko konfiantzak eraikitzeko; halere, beste eragile batzuen atxikimendua ere jasotzen ari gara egunotan, batik bat Hego Euskal Herrian, eta datozen egunetan emango dugu horien berri.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna