«Familian euskaraz egingo duen lehen belaunaldia da nirea»

Nafarroako Uharte herrikoa da Maialen Arruiz. Bere biki Eiderrek ere espedizioan parte hartu du, eta, orain arte, elkarren artean beti gazteleraz mintzatzen ziren. Baina azken hilabetean euskaraz hitz egiten amaitu dute. «Nire familian euskaraz egingo duen lehen belaunaldia izan nahiko nuke», azaldu du, eta familia euskaldun bat sortzeko aukera izateak motibatzen du. Horrez gain, orain esperientzian ezagututako jendearekin euskaraz hitz egiteko aukera duela jakiteak ere indarra ematen dio, berea duen hizkuntza aurrera eramateko.