Noiz sortua: 2017-11-29 00:30:00

'Hegats' aldizkariak poesiari eskaini dio 55. zenbakia

Felipe Juaristik koordinatu du ale berria. Patxi Ezkiaga, Tere Irastortza, Jule Goikoetxea eta Luis Garde elkarrizketatu dituzte, besteak beste
Jasone Osoro eta Felipe Juaristi, atzo, Donostian, <em>Hegats</em> aldizkariaren 55. alearen aurkezpenean.
Jasone Osoro eta Felipe Juaristi, atzo, Donostian, Hegats aldizkariaren 55. alearen aurkezpenean. JON URBE / ARGAZKI PRESS Tamaina handiagoan ikusi

Ainhoa Sarasola -

2017ko azaroak 29

Duela hiru urte, Hegats aldatzea erabaki zuen EIE Euskal Idazleen Elkarteak. Edukiari ez ezik, formari ere garrantzia emateko saioa egin zuen, «irakurlego zabalago bati iritsarazteko asmoz». Liburuxka izateari utzi, eta aldizkari formatua hartu zuen, eta erabaki zuten urtero kide desberdin batek zuzenduko zuela zenbaki berria. Lander Garrok koordinatu zuen aldaketa haren lehen emaitza, Alaine Agirrek bigarrena, eta Felipe Juaristik egin ditu orain editore lanak kaleratu berri duten aldizkarian, 55. zenbakian, hain zuzen. Iñigo Ibañezek landu ditu argazkiak, eta Sardina etxeak diseinua. Gai nagusia, berriz, poesia da oraingoan. Eta horrela, mamiz nahiz edukiz, «ederra» adjektiboarekin definitu zuen aldizkaria Jasone Osoro EIEko lehendakariak atzo, hura aurkezteko Juaristirekin egindako agerraldian.

Osorok berak aldizkariaren hitzaurrean laburbiltzen du zenbaki berriaren ardatza: «Poesia hautatu du Felipek. Olerkariz bete ditu orrialde hauek guztiak, eta ederra da egiaztatzea poesiaren euskal letretan ere badaudela belaunaldi bat baino gehiago». Hain zuzen, askotariko estilo, adin eta ibilbideak dituzten egileak ageri dira aldizkarian. Juaristik azaldu zuenez, hainbat sortzaileri egindako elkarrizketek hartzen dute ale berriaren parte handi bat. Patxi Ezkiagari Pello Otxotekok eginikoa da horietako bat. Beste belaunaldi bateko poeta bat, Luis Garde elkarrizketatu du Uxue Razkinek, eta Juaristik berak Tere Irastortzarekin izandako solasaldia eraman du aldizkarira. Beste hiru elkarrizketa ere badira: Beatriz Txibite eta Garazi Ugalde elkartu ditu Aritz Gorrotxategik solasaldirako, eta Amaia Garciak, berriz, nor bere aldetik elkarrizketatu ditu Itxaro Borda eta Jule Goikoetxea. Euskal poesiagintzaren belaunaldi aniztasunaren argazki bat uzten dute horiek denek. Gazteen belaunaldiari bereziki erreparatuta, ondorio bat ere atera du Juaristik: «Esango nuke momentu honetan euskal poesia halako loraldi batean dagoela».

Hain zuzen, euskal poesiak urteotan izandako bilakaeraz eta gaur egungo egoeraz gogoeta egiten dute, artikulu banatan, Igor Estankonak eta Izaskun Garcia Quintanak. Hainbat egileren izenak tartekatzen dira bi testuetan, hala nola Jon Gerediaga, Joxanton Artze, Bernardo Atxaga, Peru Magdalena, Alaine Agirre, Ione Gorostarzu, Martxel Mariskal, Ekhine Eizagirre eta besterenak.

Horietako hainbaten eta beste zenbait egileren hamazazpi liburu aukeratu ditu Juaristik gomendio gisa edo, eta horietako bakoitzetik esaldi bat nabarmendu du.

Atzerrikoak eta urteurrenak

Nazioarteko zenbait poetaren izenak ere ekarri dituzte aldizkarira. Munduko Poesia Kaierak bildumaren barruan euskarara ekarritako zenbait autore aipatzen ditu, esaterako, Hasier Rekondok bere artikuluan, eta Alfonsina Storni eta haren lana ditu hizpide, halaber, Uxue Alberdik —hark euskaratu zituen hari eskainitako kaierako aleak—. Txema Arinasek, berriz, Primo Leviren poesiagintza aztertu du beste erreportaje batean. Carson McCullers eta haren literatur lanak hartu ditu hizpide, berriz, Itziar Minguezek, idazlea jaio zela ehun urte eta hil zela berrogeita hamar bete direla.

Beste zenbait urteurren ere aintzat hartu dituzte. Hala, Gernika bonbardatu zutenetik 80 urte igaro berri direla, horrek poesian utzitako arrastoak aletu ditu Iratxe Retolazak testu batean. Halaber, Errusiako Iraultzaren mendeurrenean, haren bueltan sortutako literaturaz mintzo dira Joxe Iriarte Bikila eta Hedoi Etxarte, beste bi testutan.

Literaturari lotutako gertakarien urteko errepasoa ere egiten du ale berriak. Halaber, aurten hildako Luis Mari Mujika, Hasier Etxeberria, Marijane Minaberri eta Pierre Xarriton idazleak ere gogora ekarri dituzte aldizkarian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna