Albistea entzun

ETB2ko saioak ETB1ekoen halako bi kostatzen dira

Berria -

2018ko otsailak 7

Arratsaldeko programazioan askoz diru gehiago inbertitzen du ETBk gaztelaniazko katean euskarazkoan baino. ETB2ko ¿Qué me estás contando? saioak 10.300 euroko kostua du eguneko —85 minutu irauten du, 16:20tik 17:45era—, eta, El programa de Klaudio saioak, 14.100 eurokoa —155 minutu, 17:45etik 20:20era—. ETB1eko Ahoz aho-k 5.700 euroko kostua du —125 minutu, 16:05etik 18:10era—. Aipatutako ETB2ko bi saioak K2000 ekoizpen etxeak egiten ditu. Ahoz aho programa, berriz, ETBko zazpi langileren artean egiten dute, Bilbon, albistegietako sailaren zuzendaritzapean. Gaur-gaurko gaiak jorratzen dituzten saio horietan, ordu bakoitzak 6.100 euroko kostua du ETB2n, eta 2.850 eurokoa ETB1en. Beraz, diru bikoitza inbertitzen du ETBk gaztelaniazko saioak egiteko, euskarazkoarekin alderatuta. Kontua ez da gaurkoa: 2011n, ETB2ko A2, Aspaldiko magazinak 15.500 euroko kostua zuen —bi ordu eta erdi—. ETB1eko Arratsaldero-k bost ordu irauten zuen, eta 11.000 euroko kostua zuen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jon Eiherabide musikaria, bere disko-liburuaren atzean ezkutatuta. ©GUILLAUME FAUVEAU

«Liluratu nau ipuin zaharretako magiak»

Ainize Madariaga

Milaka urteko ipuin magikoari rap mozorro modernoa beztitu dio Jon Eiherabidek 'Hamalau' disko-liburuan, Xabier Sagarzaren ilustrazioek lagundurik. Kondairak oroitarazten du hartza dela «gure» arbasoa.
Anartz Zuazua aktorea, aurrean, eta Itziar Ituño, atzean, bigarren denboraldiaren grabazioan. ©ULU MEDIA

Bigarren soinu olatua, heltzear

Jakes Goikoetxea

Astelehenean entzun ahalko da 'Artxipelagoa' podcastaren bigarren denboraldiko lehen atala

Gripearen txertaketa kanpaina batean erabilitako txertoak, artxiboko irudi batean. ©GORKA RUBIO / FOKU

Gripearen txerto unibertsala lortzeko bidean

Iker Tubia

Ezagutzen diren gripearen bertsioei aurre eginen dien txertoa lortzeko ikerketek emaitza onak eman dituzte karraskariekin eta hudoekin egindako probetan. RNA mezulariaren teknika erabili dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...