Ez naiz dohakabea

Erditzeko nahiz hiltzeko
kolore horrekin,
ilargia geldi dago.
Nondibait bidalia,
ez daki nora joan.

Uste dut beldur dela
inguruko izar nimioek
eraso diezaioten,
Ibizako eltxoek bezala.

Ilargia geldi dago.
Laino xoil batek etorri
behar izan du
gelditasuna mugi zedin.

Pentsatzen ari naiz
nola adierazi zirrarak,
ilargiak eraginak.
Ezin dut kontenplatu
edertasun bat
adierazten saiatu gabe.

Azkenean,
ilargia joan da.
Bihar ere badatorke
eta nik berdin egingo.
Hasiko naiz eragiten
pentsamenduei,
sentimenduei,
eta bitartean ilargia
joana izango da.
Argi dago.
Ez naiz dohakabea.
Ergela naiz.