Albistea entzun

Tradizio berriak sortuz

Hiriburuetan ez daude beste herri batzuetako pertsonaia eta ohitura historikoak, baina, gazte zein heldu, hainbat dira asteburuan mozorrotu eta kalera ateratzen direnak.
Lagun talde bat, Bilboko Kale Nagusian egiten den desfilean.
Lagun talde bat, Bilboko Kale Nagusian egiten den desfilean. MONIKA DEL VALLE / ARP Tamaina handiagoan ikusi

Asier Arrate Iruskieta -

2018ko otsailak 8

Hiriburuetara biltzen direnek ere inauterietako festa giroaz gozatzeko aukera izango dute. Izan ere, ekitaldiz betetako egitarauak antolatu dituzte: mozorro lehiaketak, txokolate jateak, kontzertuak... Eguraldiak laguntzen badu, milaka lagun biltzea espero dute.

Baionan gaur hasiko dira inauterietako ospakizunekin. Eskoletako haurrek inauteria ospatuko dute, eta magia emanaldia egongo da Lauga gelan haientzat. Egun handia, ordea, larunbata izango da. 15:00etan, Roland-Barthes zelaigunean elkartuko dira zanpantzar, hartza eta beste pertsonaia batzuk, eta kalejira egingo dute hiriko kaleetan, besteak beste, danborradaz eta txarangez lagundurik. 19:00etatik aurrera, hiriko elkarteek antolatuta, Karnabalkada ospatuko dute.

Bilboko aratusteetarako ekitaldi ugari antolatu dituzte udalak eta Bilboko Konpartsek. Inauteriei hasiera emateko, kalejira egingo dute gaur, 20:00etan, Zazpikaleetan, eta horren ostean kontzertuak egongo dira Plaza Barrian. Egun handiak, ordea, bihar eta etzi izango dira. Arratsaldean, Farolin eta Zaranbolas pertsonaien atxiloketa eta epaiketa antzeztuko dute. Konpartsek aukeratuta, Mikel Martinez aktorea izango da Farolin eta La Basu rap abeslaria Zarambolas. Larunbatean ere ekintza ugari antolatu dituzte hiri osoan.

Konpartsen desfileak

Momo jainkosak emango die, gaur, hasiera Donostiako inauteriei. Jainkosaren aurkezpenaren ostean, desfileetan parte hartuko duten konpartsak aurkeztuko dituzte Illunben. Egun handiak, ordea, larunbata eta igandea izango dira; 17:00etan, desfilea eta lehiaketa egingo dute konpartsek eta karrozek. Bulebarretik abiatuta hiriko erdiguneko kaleak zeharkatuko dituzte. Larunbat arratsaldean, 19:00etan, antzinako konpartsak aterako dira.

Gasteizen, larunbata izango da egun handia. Egun horretan konpartsek desfilea egingo dute hiriko kaleetan. Adin guztietako 25 konpartsak hartuko dute parte. Desfilea bukatuta, jaiak gaueko ordu txikietara arte iraungo du Berimba Samba batukada taldearen eta Kresala taldearen eskutik.

Iruñean, alde zaharra izango da inauterietako ospakizunen erdigune. Bihar hasiko da jai giroa Mari Trapuren pregoiarekin eta osteko kalejirarekin. Larunbatean ere kalejira egingo dute, 18:00etan. Egun guztietan kontzertuak, umeentzako jolasak eta txokolate jatea egongo dira. Astelehenean, Mari Trapu erreta amaituko dira festak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©EZEZAGUNA / EZEZAGUNA

Iruindarren euritakoak dantzan

Itsaso Jauregi

Iruñean San Saturnino eguna ospatu dute, aterkien azpian. Erraldoirik eta prozesiorik gabeko hirugarren urtea izan da herritarrentzat, baina euriaren azpian kantuan jarraitu dute.
Ezkerretik eskuinera: Ane Garai eta Maialen Oleaga. ©BERRIA

'Kuirpunk' doinuen eztanda

Unai Etxenausia

Perlata eta La Soga del Muerto taldeetako partaideek dena ematen dute oholtzara igotzen diren bakoitzean. Argi daukate jotzeak ematen dien askatasunaz bizi behar dituztela kontzertuak, beti arduraz bizi beharrean.
 ©BERRIA

«Urtubiaren gertukoei gustatu zaie filma»

Urtzi Urkizu

Netflixek Lucio Urtubiaren bizitzari buruzko filma estreinatuko du gaur: 'Un hombre de acción'. Amezkua da gidoilaria, eta azaldu du Urtubiaren bizitzeko moduari eta pentsamenduari fidelak izatea funtsezkoa zela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.