Albistea entzun

Indibidualizatua, baina gizartearen egituretan parte izateari utzi gabe

'Gipuzkoarren kultura politikoa 2017' azterlanak «hurkoarekiko konfiantza handia» duen gizarte bat erakutsi du, Gipuzkoako Aldundiaren aburuz. Erabakitzeko eskubidea, irabazle
Asier Etxenike eta Maribel Vaquero, atzo, ikerlana aurkezteko agerraldian.
Asier Etxenike eta Maribel Vaquero, atzo, ikerlana aurkezteko agerraldian. GORKA RUBIO / ARGAZKI PRESS Tamaina handiagoan ikusi

Arantxa Iraola -

2017ko abenduak 30 - Donostia

«Hurkoarekiko konfiantza». Gipuzkoako Foru Aldundiko Bizikidetza eta Giza Eskubideetako zuzendari Maribel Vaqueroren arabera, ideia hori era argian nabarmentzen da Gipuzkoarren kultura politikoa 2017 ikerketan. Atzo aurkeztu zuen Aztiker soziologia ikerguneko zuzendari Asier Etxenikerekin batera — Aztikerrek egina da azterlana—. Adierazi zuten mundu modernoan argiro nabarmentzen ari den «indibidualizatzea» agerikoa dela Gipuzkoako gizartean ere, baina ñabardurekin ulertu behar dela. Hara hainbat datu argigarri: inkestan parte hartu dutenen erdiek baino gehiagok (%53,5) uste dute konfiantza izan daitekeela gehiengoarekin. Datu horrekin, Herbehereak eta Suedia herrialdeen mailara iristen ari da ia Gipuzkoa. Altua da Espainiakoarekin edo Frantziakoarekin alderatzen bada; horietan %24,7 eta %19,9 dira, hurrenez hurren.

Gipuzkoarrek gizarte konprometitu eta arduratsua osatzen dutela erakusten duten datu gehiago ere badira: %55,1 elkarteren bateko kide dira, eta %37,9k lan boluntarioa egiten dute. Ñabardura horiek guztiek dakarten «kapital soziala» erabakigarria izango da, Vaqueroren ustez, geroa goldatzeko: «Bizikidetzak eta herritarren jarrera kritikoan oinarritzen den kultura demokratikoa oinarri-oinarrizkoa da gatazkak kudeatzen dakien gizarte aurreratu eta osasuntsu batean».

Lehentasun argiak

Ezin da ezkutatu, hala ere, bereziki gertuko errealitateak kezkatzen dituela herritarrak. Hara zerrendatzen dituzten lehen bi aldagaiak: osasuntsu egotea eta osasuna zaintzea, eta familia harreman onak edukitzea. Azkenetarikoen artean daude, berriz, politika gaien aurrean interesa agertzea eta alderdi erlijiosoekin arduratzea. Hala ere, parte hartu nahi duen gizarte bat da: %55,9k adierazi dute eredu politiko parte hartzaileago bat nahi dutela.

Inkestak argi uzten duen beste ondorio bat da gipuzkoarrek iritzi «nabarmenki» hobea dutela euskal erakundeen funtzionamendu demokratikoan Espainiakoetan baino. Bertakoekin nahiko pozik %55,2 daude; Madrildik zuzendutakoekin, %19,3.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MONIKA DEL VALLE / FOKU

«Enpresek erabakitzen dute eskola jangeletan zer eta nola jan»

Irati Urdalleta Lete

Sukaldeak eskoletan egotea, enpresa txikiei aukera ematea... Viñuelaren irudiko, jangeletan bada zer hobetua, pausoak ikusi arren: «Borondatea falta da, eta beldur handia dago».
Claveria, eskuinean, eta Amaya, erdian, atzo, biltzarraren ondorio nagusiak aurkezten. ©MONIKA DEL VALLE / FOKU

Ijito eta emakume izateagatik

Maite Asensio Lozano

«Genero antitziganismo» kontzeptua definitzeko lehen pausoak egin dituzte Bilbon, asteon Romi Berriak eta Amuge elkarteek antolatutako biltzar batean. «Jazarpen sistematikoa» salatu dute.
Gotzone Sagardui Osasun sailburua, atzo, Eusko Legebiltzarrean. ©R.BOGAJO/ FOKU

Osasun Publikoaren Lege proiektuari «gabeziak» ikusi dizkio oposizioak

Edurne Begiristain

Jaurlaritzako Osasun sailburuak azaldu du osasuna «politika publiko guztien» oinarrian jarri nahi dutela. EH Bilduk eta Elkarrekin Podemos-IUk esan dute lan egingo dutela egitasmoa «hobetzeko»

Urriaren 21etik 23ra Marieniako lurrak okupatzera deitu dute

Ekhi Erremundegi Beloki

Kanpaldia antolatuko dute Kanbon laborantza lurren salmenta salatzeko. Ipar Euskal Herriko borroken topagune izatea nahi dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.