Albistea entzun

Alternatibak eztabaidagai

Kataluniako Gobernuak eta kontsultaren aldeko alderdiek bilera egin dute.

Filtrazioen arabera, proposamen berri bat egingo du gaur Masek
Isabel Vallet eta David Fernandez (CUP), Pedralbes jauregira iristen.
Isabel Vallet eta David Fernandez (CUP), Pedralbes jauregira iristen. T. ALBIR / EFE

Xabin Makazaga -

2014ko urriak 14

Azaroaren 9a gero eta hurbilago dago, eta Katalunian independentziari buruzko herri galdeketa egiteko indarrak bildu dituzten alderdiak ahalegin betean ari dira Espainiako Estatuak jarritako trabak nola gainditu eztabaidatzen. Irailaren 29tik, Auzitegi Konstituzionalak Kontsulta Legea eta A-9rako deialdiaren dekretua behin-behinean baliogabetu zituenetik, hirugarren bilera egin zuten atzo Kataluniako Gobernuko eta CiU, ERC, ICV-EUiA eta CUP alderdietako ordezkariek. Baina, kontsultarako 27 egun falta direla, gero eta estuago dabiltza.

Epeak bete eta berme demokratiko sendo bat ziurtatzeko zailtasunak agerikoak dira, eta, Masen inguruan eta CiUn gero eta ozenagoak dira bestelako bide bat proposatzen duten ahotsak. Atzoko bileratik hedabideetara filtratutako informazioen arabera, baliogabe utzitako artikuluei uko egin eta maila apalagoko «prozesu parte hartzaile bat» proposatu die gobernuak beste alderdiei. Joan Herrera ICVko presidenteak prentsari jakinarazi dionez, gaur emango du gobernuak proposamenaren berri.

13:00etan hasi zuten bilera atzo Kataluniako Gobernuko eta CiU, ERC, ICV-EUiA eta CUPeko ordezkariek, Bartzelonako Pedralbes jauregian, eta, 16:00etan eten bat egin ondoren —bilera utzi zuten Joana Ortega presidenteordeak eta Francesc Homs eta Ramon Maria Espadaler kontseilariek—, eztabaidatzen jarraitu zuten.

Aste erabakigarria

Felip Puig Enpresa eta Enplegu kontseilariak adierazi du helburua oraindik azaroaren 9an herri galdeketa egitea dela, baina ezin bada «ondorengo beste egunen batean» egin litekeela. Eta Trantsizio Nazionalerako Aholku Batzordeko presidente Carles Viver Pi-Sunyerrek «lehenbailehen» etorkizuneko urratsak azaltzeko iradoki die kontsultaren aldeko indarrei, A-9an herri galdeketarik ez balego. Plebiszitu gisako hauteskundeak egiteko aukera ez du baztertu Masen aholkulariak, baina horren ondorioa, Espainiako Konstituzioaren erreforma barik, Kataluniako Parlamentuaren alde bakarreko independentzia adierazpen bat izan beharko litzatekeela azaldu du.

Kataluniaren geroa erabakitzeko aste erabakigarria izango da, eta ekitaldi politikoz josia. Gaur, izan ere, gobernu bilera du Generalitateak; bihar eta etzi, osoko bilkura dute parlamentuan; ostiralean, Ministroen Kontseilua egingo du Espainiako Gobernuak; eta igandean, A-9rako kanpainaren ekitaldi nagusia dauka Ara es l'hora mugimenduak Bartzelonako Katalunia plazan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio
Turkiaren erasoaren aurkako manifestazio bat, azaroaren 20an, Qamixlin. ©EFE

SDFek jakinarazi dute eten egin dituztela AEBekin egiten ari ziren operazioak

Igor Susaeta

Milizia kurduak indar nagusitzat dituen eta Pentagonoaren babesa duen koalizioa ohartarazten ari zen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.