Martxan alderdiko diputatuekin elkartu ondoren, atzo eguerdian iragarri zituen Edouard Philippe lehen ministroak Jaka Horien mugimenduari aurre egiteko Frantziako Gobernuak hartuko dituen neurriak. 2019an indarrean sartzekoak ziren zenbait neurri fiskal bertan behera utzi ditu.
Erregaien zergak
Ondoko sei hilabeteetan erregaien prezioen igoeran eraginen luketen neurriak etengo dituzte. Ez dute karbono zerga igoko, ez dituzte gasolinaren eta dieselaren prezioak parekatuko, eta ez dute enpresek erregaiekiko zuten abantaila fiskala bertan behera utziko.
Ibilgailuen azterketa
Sei hilabeteko epean, ez dituzte zorroztuko IAT ibilgailuen azterketa teknikoaren baldintzak.
Elektrizitatea
2019ko maiatzera arte elektrizitatearen prezioan emendatzerik ez izatera engaiatu da.
Nazio eztabaida
Zergen eta gastu publikoaren inguruko nazio eztabaida egitera deitu du abenduaren 15etik martxoaren 1era. Eztabaidatik «aterabide konkretuak» aterako direla espero du.
NEURRIAK
Iruzkinak
Ez dago iruzkinik
Ordenatu