LARREPETIT

Amildegia (II)

Mikele Landa -

2018ko otsailak 1

Joan den astean zuloan zintzilik utzi zintuztedan eta badirudi zuetariko batzuk tarte luzeago baterako hor geratzeko arriskuan zaudetela. Iñigo Mendez de Vigo hezkuntza ministroak irakasle izan nahi dutenentzako etorkizun hori proposatu baitzuen larunbatean. Kongresuan eztabaidatzen ari diren Hezkuntzarako Itun Nazionalaren baitan graduaren eta masterraren ostean, bi urte iraungo duen praktika epealdi bat txertatzeko asmoak azaldu ditu PPk. Bekaldiaren aurretik azterketa bat egitea derrigorrezkoa izanik eta haren ostean oposizioak. Horrela, karreran norbereganatutako ezagutzaz gain, irakaskuntzarako ahalmen praktikoak ere kontuan hartuko direla argudiatu du ministroak. Argudio hori aintzat hartuta, proposamenak, hein batean, egungo hezkuntza sistemari hobekuntzak ekar diezazkiokeela dirudi. Garrantzi gehiago eskuratuko bailuke edukiak transmititzeko gaitasunak irakatsi beharreko materien ezagutza hutsak baino. Konponbide honek, ordea, irakaslearen lanpostua are gehiago prekarizatzea lekarke; bi urtez soldata dezente txikiagoaren truk lan egitea, besteak beste. Azken finean, graduondoko hautaketa prozesu berri honek zaildu egingo luke irakasle bilakatzea. Faktore erabakigarriena irakaskuntzarako gaitasuna izan beharrean, lanpostua eskuratu aurreko linbo horretan luzaroan egoteko ahalmen ekonomikoa izanik; elitizatuz. Hezkuntza sailburuaren aburuz, irakasle izatera heltzeko oztopo horiek lanbidearen prestigioaren gorakadan islatuko dira. Prestigioa, ordea, ez litzateke eskuratzeko zailtasunarekiko proportzionala izan behar, betebeharraren balio eta garrantziarekikoa baizik. Hasieran aipatutako helburu nagusi hori lortzeko beste bide bat litzateke irakaskuntzarako formakuntza osoa birplanteatzea, errotik trukatuz egun materia eta edukien ezagutzak pedagogiaren gainetik duen garrantzia. Baina horrek lanketa sakona eta inbertsio ekonomiko garrantzitsua eskatuko lituzke eta hezkuntzan dirua jartzea ez dator antza Espainiar estatuarekin bat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako kasuen oldarraldiari lotuta

Beste 11 positibo zenbatu dituzte Ordiziako kasuen oldarraldiari lotuta

Arantxa Iraola

Denera 69 kasu daude lotuta positibo multzo horrekin; azken zenbaketan, Osakidetzak 31 positibo berri daudela onartu du

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna