LARREPETIT

Zubiak

Onintza Enbeita -

2017ko abenduak 8

Sortzez garbiaren eguna da gaur. Hego Euskal Herrian, jai eguna. Ez diogu geure buruari galdetuko akaso, baina badakizue sekula larrutan egin gabe ama izan zen emakume haren ernaltzea ospatzen dutela gaur fededunek. Sekula larrutan egin gabeko emakume haren umea da sortzez garbia. Beste guztiok zikinkerien ondorio gara, nonbait. Eta garbi jaio denik bada, lasai: bizitzak majo zikinduko du edadearekin. Izan ere, mundu honetan iraun nahi duenak inoiz muturra, inoiz eskuak, zikindu egin beharko ditu. Bestela, garbi iraungo du akaso, baina bizirik ez.

Edozelan ere, gaur egun zentzu handirik ez duen arren, ez daukagu inolako arazorik sortzez garbiaren egunean jai egiteko. Zubiak behar ditugu eskiatzera joateko, Landetara ihes egiteko, edo Europako hiribururen batean erosketak egiteko. Espainiako Konstituzioaren egunean lanera joan ziren askok ere, lasai hartuko zuten jai gaur. Lege arrotzei intsumisioa egitearren, abenduaren seian lanera joatea normala iruditzen zaigu, baina normaltasun berdinarekin onartzen dugu gaur ez joatea.

Poztekoa da Espainiako Konstituzioaren egunean Udalak irekitzen direla ikustea. Harro egoteko modukoa da, epaitegietako abisuak abisu, udalbatzak bere erabakia mantentzen duela ikustea. Kontua da sendotasun hori ez daukagula jai egun laikoak eskatzeko orduan. Guk nahi gabe ari gara eliza katolikoaren zenbait gezurri hauspoa ematen: txori baten eta Mariaren arteko maitasun harremana ospatzen dugu, ume hori hil zuteneko ospakizunetan ere jai izaten dugu...

Menpekotasun geografikotik harantzago, badira menpekotasunak. Herri librea nahi badugu, erlijioetatik libre beharko dugu, eta horretarako, gaur bertan hasi behar genuke egutegi laikoa lantzen. Badakit ez dela erraza, baina gorriz markatzeko egunak badaude, martxoaren zortzia kasu. Kontua da geuk eman behar diegula egun batzuei garrantzia eta besteei kendu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna