LARREPETIT

Informatika ikasteko moduak

Goizalde Landabaso -

2018ko apirilak 3
Akorduan gelditu zait jaso nuen lehen informatika klasea. Ez dut irakaslearen izena gogoratzen; bai, berriz, bere bizitzako lehen ikasleak izan ginela. Egun urrun hartan burusoiltasunari izerdiak ematen zion distiraz gogoratzen naiz. Zero eta bat hamaika konbinazioz bete zuen arbela bikoitza. Ez genuen ezertxo ere ulertu. Arbela ezabatu eta berriz ere idatzi zuen. Zero, bat, bat, zero, zero, bat... Lauzpabost biderrez ezabatu zuen arbela. Desesperatzeko modukoa izan zen, berarentzat eta guretzat ere bai. Ez dakit irakasle izaten jarraituko ote duen.

Richard Appiah Akoto Ghanako irakaslea da. ICT (Informazio eta komunikazioaren teknologia) ikasgaia ematen du Kumasi hiritik pare bat ordura dagoen Sekyedomase herrian. Informatika irakatsi behar du, baina ez du konputagailurik (guk ere ez genuen), eta zer egiten du? Arbelean marraztu word interface bat, ikasleei konputagailua zer ote den azaltzeko. Ezina ekinez egina. Richard Appiah Akoto irakasleak konputagailua marrazten du arbelean klasera sartzen denero zerorrek ordenagailua piztu egiten duzun abiadura beretsuan. Ikasleek adi-adi jarraitzen dute klasea. Ghanan ICT irakastea oso atsegina dela esaten du sare sozialetan Akotok. Tamalez, ironia ez da idatzizkoan harrapatzen eta ez dakit benetan ari ote den. Ikasleei informatika ezagutzak eskatzen zaizkio, baina 2011tik ez da ordenagailurik eskolan. Mundua, maiz, zoragarria bezain inkoherentea da. Sare sozialetan jarritakoa argiaren abiaduran barreiatu da handik eta hemendik. Irakurri zutenetako batek, Rebecca Enonching-ek, Akoto irakaslearen mezua ikusi eta Microsoft etxera mezua bidali zuen: «Kaixo, Microsoft-Afrika. MS Word arbel batean irakasten ari da. Ziur baduzuela, izan, azpiegiturarik honetarako». Microsoft-ek ordenagailua agindu du. A posteriori garaiak eta mundua salbatzeko beharra. Horrela bizi gara. Osterantzekoa, aldiz, Minority Report izango litzateke.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna