LARREPETIT

Errepublikaren selekzioa

Hedoi Etxarte -

2018ko apirilak 14

Hamaika hilabete luze lehenago hasi zen 36ko gerra Iruñean. 1937ko ekainaren 16a zen eta Euskal Herriko futbolarien selekzio bat Moskura iritsi zen. Belorusski geltokiaren pareko geltokian jendetza zegoen. Loreekin eta ongietorri oihuekin jaso zituzten. Sobietarrentzat euskal selekzio hura Errepublikaren aldeko heroiez osatua zegoen. Espainiako Nazionalen prentsaren arabera, Isidro Langara edota Jose Iraragorri gerran hil ziren: arrats hartan Moskun zeuden, ordea.

Miresmen hura ez zen soilik politikoa, Mario Alessandro Curlettok azaltzen duenez (Fútbol y poder en la URSS de Stalin, Altamarea 2017), haiena inoiz SESBen jokatzen aritu zen atzerriko talderik nabarmenena izan zen. Garai hartan SESBi ez zioten nazioarteko txapelketetan parte hartzen uzten (hala izan zen 1952ko Helsinkiko Olinpiar Jokoetara arte).

Euskal selekzio hura Europako bira bat egiten ari zen. Mendean hartu zuen Marseillako Olympique 5-2 eta Parisko Racing 3-0. Selekzio hartako hiru euskal herritar munduko hamaika onenen artean aipatu zituzten 1934ko Italiako mundialean.

Lehenengo partida, Moskuko Lokomotiven aurka jokatu zuten: euskal herritarrek 5-2 irabazi zuten. Dinamo «talde solidoagoa zen» (SESBeko NKVD zerbitzu sekretuak bezala, Felix Dzerzinsky poloniarrak sortu zuen), eta 2-1 irabazi zuten euskal herritarrek. Leningradoko selekzioak berdinketa erdietsi zuen.

Sobietarrentzat burkideak ziren euskaldun haiek, baina Kiev, Tiflis eta Minskeko porrotekin sobietar futbola ez zen irudi ona ematen ari. Txapelketari bi partidu gehitu zizkioten halako batean, Dinamok itzulerakoa irabaziko zuelakoan. Baina euskal selekzioak 7-4 irabazi zuen. Spartak zen itxaropena. Langileek sortutako klub hura, Komosomoleko gazteek babesten zutena. Uztailaren 8an, 90.000 lagunen aurrean. 6-2 irabazi zuten Spartakekoek, baina baloiaren atzetik, hegazkin naziek birrindu berri zituzten lurretako euzkotarrak errepublika bat ziren hogeita bi zangoren gainean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Baionako ostatu bat, uztailean. ©Bob Edme

Ostatuak 22:00etan itxi beharko dituzte Ipar Euskal Herrian

Maddi Ane Txoperena Iribarren

Eric Spitz Pirinio Atlantikoetako prefetak neurri berriak iragarri ditu. Ostatuek ezinen dute eramateko alkoholik saldu 22:00etatik aitzina, eta karrikan ezinen da alkoholik edan 22:00etatik 08:00etara. Bezeroen erregistro bat egin beharko dute ostalariek. Ortzegunean jarriko dituzte neurriak indarrean, hamabortz egunerako, gutienez.

Bilboko taberna bat, edukiera murriztuta. ©Jaizki Fontaneda / Foku

Ostalarientzako diru laguntzak eskatu ditu EH Bilduk

Erredakzioa

Sektorea erreskatatzeko plan bat aurkeztu du koalizioak: Eusko Legebiltzarreko osoko bilkurara eramango du.

Ostalariek protesta egin dute gaur Nafarroako Gobernuaren aurrean. ©IÑIGO URIZ / FOKU

Nafarroako ostalariak, itxieraren kontra: «Sektorea kriminalizatzen ari dira»

Ion Orzaiz

Tabernak eta jatetxeak «seguruak» direla adierazi du Nafarroako Ostalaritza eta Turismo Elkarteak. Elkarretaratzeak eginen dituzte ostegunetik aurrera

Udal langileak Azkoienen, kalea garbitzen. / ©Idoia Zabaleta, Foku

Gipuzkoak 100.000 biztanleko 500 positiboren langa gainditu du

Arantxa Iraola-Irati Urdalleta Lete

Hego Euskal Herrian egin dituzten testen %9,2k eman zuten atzo positibo. Eusko Jaurlaritzak ez du «ezer» baztertzen, baina, oraingoz, konfinamenduak eta etxeratze agindua ez daude mahai gainean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna