LARREPETIT

Lehen erretratua

Mikele Landa -

2018ko otsailak 8

Plinio Zaharraren kondaira batek dio Antzinako Greziako Butadesek asmatu zuela eskultura eta bere alaba Korak erretratua. Amodio istorio batekin hasi omen zen dena. Koraren maitalea gudu zelaira alde egitekoa zen eta neskak bikotearen absentzian, honen aurpegia ikusten jarraitu ahal izateko, kandela baten argiak horman sortutako mutilaren itzala margotu zuen. Ordea, gaztea ez zen batailatik itzuli eta Butadesek, alabaren tristura ikusita, hormako marrazkia buztinez bete eta hildako maitalearen forma eman zion, Korak egunero besarkatzeko aukera izan zezan.

Norbait berriz ere ikusiko ez dugula jakiteak beldurra dakar berarekin. Izutu egiten gaitu sinesteak denbora kontua dela dena. Azkenean, gordetzeko ahaleginean esku ahurraz harrapatutako elur maluta bailitzan, haren aurpegiaren soslaia urtzen joango dela gure gogoan. Horregatik, bere begiak, sudurra, orbanak eta zimurrak mentalki errepasatzen ditugu. Memorian ahalik eta zehatzen iltzatzeko ahaleginean. Erretratu mentalekin nahiko izango ez eta badaezpada argazkiz eta bideoz hornitzen gara. Antzera gertatzen zaigu bisitatutako tokiekin eta bizitako auziekin. Hango eta hemengo hondartzetako harriekin betetzen ditugu poltsikoak, gordetzen ditugu kafetegietako musuzapiak karteran. Etxean gaudenean, bildutakoak esku artean hartu ahal izateko eta oroitzeko. Iraganetik ekarritako orainaldi zatiak katalizatzaile.

Beste batzuetan, baina aro berri honetan bereziki, memoria difuminatzeko beldurra sentitu aurretik ere pilatzen ditugu oroigarriok. Ezinezkoa da ahanzturak dakarren izua sentitzea gogoan gordetzeko ahaleginik egin ezean. Koraren lekuan jarrita maitalearen aurpegiari luze so egin aurretik marrazten dugu bere itzalaren ingera. Itsasertzean paseatu aurretik poltsikoratzen dugu harria, ateratzen dugu argazkia, filmatzen dugu gertakaria; eta susmoa daukat ez ote garen ari oroimena ezabatuko zaigun beldurrari diogun beldurrez memoria hutsik uzten.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna