LARREPETIT

Enaden begiak

Mikele Landa -

2018ko ekainak 7

Asteartean 43 urte bete ziren Gabriel Aresti hil zela. Zendu baino urtebete lehenago, azken boladan etxetzat zuen inguruari buruz idatzi zuen honako hau: «Busturi-alde hau enada da eta Ea eta Elantxobe haren begiak». Artikulu honekin izenburua partekatzen duen poemaren barnean. 60ko hamarraldian erregimen frankista planifikatzen hasi zen zentral nuklearren eraikuntzaren harira idatzi zuen poetak testua. Guztira, Espainiar Estatu osoan 41 martxan jartzeko asmoa agertu zuen erregimenak. Horien artean lau Euskal Herrian: Tuterakoa, Debakoa, Ispasterrekoa eta eraiki arren sekula zabaldu ez zen Lemoizeko zentrala. Poemarekin garaikide, 1974an agertu ziren herriaren lehen gaitzespen erreakzioak, arrantzale kofradien eta auzo elkarteen eskutik. Handik bi urtera sortu zuten Euskal Kostalde Ez Nuklearra Defendatzeko Batzordea, José Allende buru. Aurten, jada gure historiaren parte diren garai hartako ehunka dokumentu laga dizkiote Allendek eta batzordeak Eari. Herriak esker onez jaso ditu ondasunok, eta Enaden begiak izendatu duten fundazioa osatuz erantzun. Joan den asteburuan aurkeztu dute ekimena bi eguneko egitarau betearekin. Data ez da ausazkoa izan, igandean 39 urte bete direlako Gladys del Estal aktibista guardia zibil batek erail zuela Tuteran.

Jardunaldi ekologistak izan dira, zentral nuklearren mehatxu hartatik hausnartzen hasita, egungo alternatiba diren energia berriztagarrien inguruan mintzatu arte. Iragana eta oraina ildo beretik doazen borrokek lotu dituzte. Horren erakusgarri izan da, baita ere, Zentral Nuklearrik Ez muralaren berregokitzapena Eako kultur etxearen horman. 80ko hamarkadan Zumeta, Arrastalu eta Amestoi margolariek Bilbon irudikatu zuten artelan erraldoi horren bertsio etxekotua. Errebindikazioaz gain, ospakizun kutsua izan dute jardunaldiek, Oihana Bartrak eta Jon Maiak jarrita bertso doinua. Aresti eta margolariak gomutan izanda, Maiari ostuko dizkiot azken berbak: «Gure herriko errelatoa artean geratuko da».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

PCR probak, Urdulizko ospitalean. ©Aritz Loiola, FOKU

Gutxitu egin dira atzemandako positiboak

Uxue Rey Gorraiz

Beste 383 detektatu dituzte Bizkaian, Gipuzkoan eta Araban. Nabarmen apaldu da ospitaleratu kopurua: 28 lagun sartu dituzte erietxean azken egunean.

Herritar batzuk kalean maskara jantzita, Frantzian. ©CAROLINE BLUMBERG / EFE

Birusaren bigarren oldarraldia

Jone Bastida Alzuru

Kasuek ugaritzen jarraitzen dute munduan, eta hainbat herrialdek neurriak zorrozteko erabakia hartu dute. Israelek joan den ostiralean indarrean sartutako itxialdia gogortu du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna