Amaia Arranz Otaegi. (Tolosa, Gipuzkoa, 1987)

Arkeobotanikaria da. Historiako lizentzia eskuratu eta Kuaternarioari buruzko Masterra egin zuen EHUn. Doktoretzan Arkeobotanika landu zuen, eta Kopenhageko Unibertsitatera (Danimarka) joan zen gero, doktoretza ostekoa egitera. Ezagutzen diren ogi arrastorik zaharrenak aurkitu ditu, Jordaniako Basamortu Beltzean. PNAS aldizkarian argitaratu zuten ikerketa, eta oihartzun handia izan du. Ehiztari-biltzaileen eta nekazarien arteko trantsizioa ikertzen jarraitzen du. Marie-Curie beka eman diote aurten. Garai hartako elikagai dibertsitatea ikertzen segituko du, eta bere ikerketaren gidaria izango da.