Koronabirusa
Kasu kopurua eta positiboen ehunekoa apur bat handitu dira Hegoaldean
Gora egin dute kutsatu kopuruak eta positibo tasak Hego Euskal Herrian azken zenbaketetan. Eusko Jaurlaritzako eta Nafarroako Gobernuko datuen arabera: 807 kutsatu zenbatu dituzte, egindako proba guztien %5,7. Asteazkenean zenbatutako datuekin alderatuta, okerrera egin dute, igoera txikia izan bada ere: zortzi kutsaturen aldea egon da egun batetik bestera, eta positiboen ehunekoa %5,2tik %5.7ra igo da. Aipatzekoa da aurreko egunean baino ia 1.200 PCR eta antigeno proba gutxiago egin dituztela. Bizkaia «eremu gorritik» irten da, 100.000 biztanleko 500 kutsatuko intzidentziaren azpitik gelditu baita. Ignacio Garitano Eusko Jaurlaritzako Osasun Saileko Zaintza eta Kontrol Programaren koordinatzaileak adierazi du bilakaera «ona» dela, baina intzidentzia tasa erdira jaisteko asmoa adierazi du, hirugarren olaturik gerta ez dadin.
Iruzkinak
Ez dago iruzkinik
Ordenatu