Columbia Roadeko lore azoka

Alderik alde askotariko lorez, landarez eta espeziaz betetzen da igandero Londresko Columbia Road, eta lagunekin maiz joaten da hara Mendizabal. Igandeetako ohiko plan bihurtu zaiela dio. «Paseotxo bat eman, loreren bat erosi, eta, gero, han inguruan pizza oso goxoak egiten dituzten pub batera joaten gara, asteko kontuak elkarri kontatzera. Ohitura gisa hartu dugu, eta polita da».