2019ko abuztutik 2020ko abuztura, 120 partida

Munduko Txapelketan, zazpi selekzio sailkatuko dira Tokioko Jokoetarako: Europako eta Amerikako bi onenak eta Asia, Ozeania eta Afrikako onenak sailkatuko dira. Hori eginda, datorren sasoi bukaerara porru eginda iritsiko diren selekzio horietako jokalariek abaildura estra eragingo duen sailkapen ligaxka saihestuko dute. Munduko Txapelketan Tokiorako sailkatzen ez direnek, ordea, 120 partida inguruko egutegia zain dute 2019ko abuztuan hasi eta datozen hamabi hilabeteetan. Hori gutxi ez, eta 2020ko otsailean 2021eko Europako Txapelketarako sailkatzeko lehen partidak jarri ditu FIBAk. Euroligak ez du etenaldirik aurreikusi. ACBk, ordea, bai.