Albistea entzun

EITBren erreformarako lantaldea osatu dute

Alderdien ordezkariak izendatu dituzte talderako, baina ez dira lanean jarri. Erdibideko zuzenketa bat onartu dute, parekidetasunari buruz
Nerea Llanos (PP), Eukene Arana (Elkarrekin Podemos), Unai Urruzuno (EH Bildu —ordezkoa—), Ana Oregi (EAJ) eta Rafaela Romero (PSE-EE) EITBren erreforma integralerako lantaldean ariko dira, legebiltzarrean.
Nerea Llanos (PP), Eukene Arana (Elkarrekin Podemos), Unai Urruzuno (EH Bildu —ordezkoa—), Ana Oregi (EAJ) eta Rafaela Romero (PSE-EE) EITBren erreforma integralerako lantaldean ariko dira, legebiltzarrean. JAIZKI FONTANEDA / ARP Tamaina handiagoan ikusi

Urtzi Urkizu -

2017ko martxoak 21

EITBren erreforma «integrala» egiteko lantalde bat sortzeko erdibideko zuzenketa onartu zuten Eusko Legebiltzarrean, otsailaren 15ean, EAJren, PSE-EEren eta PPren aldeko botoekin. Lantaldea atzo eratu zuten, baina oraindik ez dute egutegia finkatu. Presidentea nor izango den ere datozen egunetan zehaztuko dute. Talde bakoitzak ordezkari bana izango du lantaldean, eta honako hauek izango dira: Ana Oregi (EAJ), Jasone Agirre (EH Bildu), Eukene Arana (Elkarrekin Podemos), Rafaela Romero (PSE-EE) eta Nerea Llanos (PP). Seiak emakumeak, horrenbestez.

Ordezkoak, berriz, honako hauek izango dira: Juan Carlos Ramirez-Escudero (EAJ), Unai Urruzuno eta Josu Estarrona (EH Bildu), Lander Martinez (Elkarrekin Podemos), Gloria Sanchez (PSE-EE) eta Carmelo Barrio (PP).

EITBren Kontrolerako Batzordeko saioaren amaieran osatu zuten lantaldea. Aurretik, erdibideko zuzenketa bat onartu zuten parekidetasunaren inguruan, EAJk, PSE-EEk eta Elkarrekin Podemosek adostuta. Onartutako testuaren arabera, legebiltzarrak Jaurlaritzari eskatu dio beharrezko neurriak hartzeko, EITBko kultur, gizarte eta politika saioetan emakumeen parte hartze parekidea bermatzeko. Bestalde, EITBri eskatu diote berdintasun planaren balorazio bat egiteko. Halaber, kultura, gizarte eta politika arloko eragileei eskatu diete parte hartze parekidearen helburuak aintzat hartzeko EITBko saioetan parte hartu behar dutenean.

Legebiltzarreko saioan, bestalde, EITBko LABeko ordezkari Andoni Basabek eta Arritxu Iribarrek agerraldia egin zuten, EH Bilduk gonbidatuta. Sindikatuko ordezkariek salatu zuten «beldurra» eta «kontrola» kontratazio prekarioan datzala: «Kontratu prekario batekin nekez egin diezaiokezu aurre zentsurari eta autozentsurari». Salatu zuten egun EITBn dagoen kudeatzaile sistema «bidegabea» dela, «legez kanpokoa, epaitegiek onartu duten bezala». LABeko kideek uste dute ardura postuak «etxeko langileekin» bete behar direla, «kanpotik inor ekarri gabe agintzera zein aginduak betetzera». Sindikatuaren arabera, legebiltzarreko talde denek azaldu zuten EITBn «zentsura» edo «kontrola» dagoela, EAJk izan ezik.

Administrazio kontseilua

Legebiltzarreko taldeek EITBko administrazio kontseiluan izan behar zituzten ordezkarien inguruan desadostasun batzuk gainditu ostean, joan den astean onartu zituzten datozen lau urteetarako hemeretzi kideak. Hilaren 28an egingo du lehen bilera administrazio kontseilu berriak, aurrekoaren azken ebazpena onartu eta gero. LABekoa izango da aurrerantzean ere sindikatuen ordezkaria, aurreko legealdian bezala: Edorta Aranaren ordez, Diego Gonzalez.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

EITBko irratiko langileen protesta ilaren 14ean, Eusko Legebiltzarraren aurrean, greba dela-eta. ©ENDIKA PORTILLO / FOKU

Bigarren greba eguna egin dute EITBko irratietan

Beñat Mujika Telleria

Hilaren 14an gertatu bezala, ez dira saiorik ematen ari. Soilik musika eta albistegiak ari dira ematen.

 ©JAIZKI FONTANEDA / @FOKU

«Nik hazten eta hezten ditut nire txakurrak»

Maixa Utrera Puelles

Artzain txakurren munduko txapelketan txapeldunorde izan da taldeka. Border collieetan espezialista da, eta uste du «berezko gaitasuna» dutela artzaintzarako, nahiz eta beste arraza askok ere balio duten.
Emakume bat babesteko betaurrekoekin. ©CC0

Benetan babesten al dute betaurreko babesleek?

Unai Etxenausia

Pantailen argi urdinetik begiak babesteko betaurrekoek ez dute frogatu begietako nekearen aurkako propietaterik, ezta loaren kalitatearen aldeko propietaterik ere. Melbourneko Unibertsitateko ikertzaile talde batek azterketa zientifikoa egin du, eta aldizkari batean publikatu dituzte ondorio horiek.

Uxue Rey eta Ane Eslaba, <em>Berria FM</em> podkast feministaren gidariak ©MENDI URRUZUNO

Bihar itzuliko da 'Berria FM'

Beñat Mujika Telleria

Uxue Reyk eta Ane Eslabak jarraituko dute gidari lanetan, eta bi astean behin entzun ahalko da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.