'Gara'-k salatu duenez, EITBk haren liburu baten iragarkia zentsuratu du
Gara egunkariak Naiz atarian argitaratu duen informazioaren arabera, EITBk El desarme. La vía vasca liburuaren irrati iragarkia zentsuratu du; Euskadi Irratian eta Radio Euskadin ziren ematekoak. Liburua Iñaki Egañak idatzi du, Gara, Mediabask eta Mediapart hedabideetako hainbat kazetarirekin elkarlanean. EITBko zerbitzu juridikoek esan dute iragarkiak «eduki politiko nabarmeneko zenbait adierazpen dituela». EITBk iragarkiaren bertsio berri bat bidali zion kazetari, honako esaldia ezabatuz: «...erakunde militar baten armagabetzea gizarte zibilaren laguntzarekin, posizio immobilistagoen aurrean». Emititu ahal izateko, EITBk Gara-ri esan zion esaldi hori kentzea «gomendagarria» litzatekeela. Berez, EITBko hedabideen publizitate arauetan ez dituzte edukiak baztertzen eduki politikoa dutelako. Arau orokorren arabera, ez dituzte iragarkiak onartuko edukietako ideiek «proselitismoa» edo «doktrinatzea» ekartzen baldin badute. Era berean, publizitateak ezingo ditu gutxietsi edo mindu herritarren konbikzio moralak, ideologikoak, erlijiosoak edo politikoak.
EITBko LABek zuzendaritzari eskatu dio «autozentsura» bazter dezala, «betiko». «Beste behin, EAJk zentsura modu alderdikoian erabili du EITB».
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
