TVEko langileak protestan, Jorge Fernandez ministroaren audioak eskatuz

U.U. -

2016ko ekainak 24
TVEko albistegietako kontseiluak informazio zerbitzuen zuzendaritzaren eta telebistako zuzendariaren dimisioa eskatu zuten herenegun, Jorge Fernandez Diaz Espainiako jarduneko Barne ministroak eta Kataluniako Iruzurraren Kontrako Bulegoko zuzendari Daniel de Alfonsok izandako elkarrizketen grabazioak ezkutatu direlakoan eta informazioaren «trataera partziala» eman delakoan. TVEn La2 Noticias albistegiak bakarrik eman zituen audioak.

TVEko albistegietako zuzendaritzak erantzun zuen Telediario1 albistegian sei minutu eskaini zizkiotela albisteari, eta TVEk ez diela oihartzunik ematen jatorria egiaztatu ezin dakiekeen informazioei. «Ez da ohiko praktika TVEko albistegietan grabatutako elkarrizketak ematea, solaskideen baimenik gabe», adierazi zuen albistegietako zuzendaritzak. Hori gezurra dela salatu du lbistegietako kontseiluak, eta hainbat adibide eman ditu telebista publikoak halakoak egin izan dituela erakusteko. Atzo, Torrespaña egoitzako erredakzioan, dozenaka kazetarik protesta isila egin zuten, ¿Dónde están los audios? (Non daude audioak?) afixak eskuetan. Albistegietako kontseiluaren ustez, «onartezina» da TVE izatea audioak eman ez dituen telebista bakarra.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna