RSFk salatu du Europan atzera egiten ari dela prentsa askatasuna

U.U. -

2017ko otsailak 9
RSF Mugarik Gabeko Kazetariek 2016ko txostena aurkeztu dute, eta salatu dute Europan prentsa askatasuna atzera egiten ari dela, «pauso erraldoiz». Bereziki, Turkian dagoen jazarpena nabarmendu dute, «kazetarientzako munduko espetxe handiena» dela ohartaraziz. Mugarik Gabeko Kazetariek Turkiari buruz landu duten txostena irakurrita «sekulako lotsa» sentitu du Malen Aznarezek, elkarteak Espainian duen presidenteak. Yavuz Baydar kazetari turkiarrak oso larritzat jo du bere herrialdearen egoera: «Turkiako erredakzioek espetxeek bezala funtzionatzen dute. Ez badituzu arauak betetzen, berehala kaleratzen zaituzte».

Mugarik Gabeko Kazetarien txostenean jaso dute, halaber, Espainiako Gobernuak martxan jarritako mozal legea. Munduko 180 herrialderekin zerrenda egiten du elkarteak prentsa askatasuna neurtzeko, eta Espainia 34. tokian ageri da. Lehen tokian Finlandia dago.

Elkartearen arabera, munduan 59 kazetari hil zituzten 2016. urtean, baita bederatzi internauta eta hedabideetako zortzi kolaboratzaile ere. Gainera, 179 kazetari, 157 internauta eta hamabi kolaboratzaile espetxeratu zituzten. «Hilketen eta bahiketen kopurua txikiagotu egin da, kazetariak ia-ia ez daudelako tokian bertan».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna