Eneko Bidegain BERRIAren eta Goienaren ereduez aritu da Japonian

U.U. -

2016ko ekainak 14
Eneko Bidegain Mondrago Unibertsitateko ikus-entzunezko komunikazioko irakasleak BERRIAren eta Goiena taldearen ereduez eta haien balio sozialaz hitzaldia eman zuen atzo, Japoniako Fukuoka hirian, ICA Nazioarteko Komunikazio Elkarteko konferentzian. 66. aldia da konferentzia hori egiten dutena, aurten Comunicating with Power izenburupean (Komunikatzen indarrarekin).

ICA elkarte akademiko bat da, komunikabideen gizaki ikuspegia ikertzen, irakasten eta aplikatzen duten adituez osatua. Ameriketako Estatu Batuetako ikerlari gutxi batzuek sortu zuten, eta gaur egun 80 herrialdetako 4.500 kidek osatzen dute.

Mondragon Unibertsitateko irakasleak —ingelesez— BERRIAk eta Goienak euskararen normalizazioan egin duten eta egiten duten lana nabarmendu zuen. Euskal kultura sustatzeko duten egitekoa ere aipatu zuen, eta adibide moduan jarri zuen BERRIA Taldeak euskarazko musikaren inguruan duen Badok atari digitala. Hitzaldian, batez ere euskarazko bi egunkariak nola sortu ziren eta bi enpresa ereduen berezitasunak aztertu zituen Bidegainek. Bi hedabideen balio soziala ere aipatu zuen; haren ikerketa baten arabera, laguntzan emaniko euro bakoitzeko 9,2 euro sortzen dituzte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna