Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Durangoko 52. Azoka. ARAZOKA

(Kultura bat)

Martxel Rodriguez dantzariak ireki zituen, atzo, 10:30ean, Landakoko ateak. Bost egunez egongo dira irekita.
Martxel Rodriguez dantzariak ireki zituen, atzo, 10:30ean, Landakoko ateak. Bost egunez egongo dira irekita. JON URBE / ARGAZKI PRESS Tamaina handiagoan ikusi

Iñigo Astiz -

2017ko abenduak 7

«Batzuk parentesi artean bizi gara». Ez dakit zer testuinguru zehatzek bultzatuko zuen Iurretatik Durangorako bidean dagoen biribilguneko pintadagilea esaldi hori idaztera, baina ezinbestean Durangoko Azokari egindako erreferentzia zuzena balitz bezala irakurri dut nik gaur goizean Landako gunerako bidean. Eta, biribilgune batean behar bezala egindako pintaketa bati dagokion bezala, buelta eta buelta izan dut esaldia buruan gero egun osoan. Pentsatzen dut ez naizela bakarra izango, gainera. Gaur nik neuk gurutzatu dudan bezala, beste milaka pertsonak ere gurutzatuko baitute esaldi hori bera hemendik igandera. Bildu ere, milaka eta milaka pertsona bilduko baitira egunez egun, hasi berri den Durangoko 52. Azokan. Eta, halere, ezin esaldiari guztiz izkin egin: parentesi artean bizi gara batzuk.

Nagusiki euskaraz bizi da Durangoko Azoka; bere euskañol, eustses eta euskanglish aldaera guztiekin, porsupuesto, baina euskaraz halere. Eta agerikoa da hori etxetik Durangorainoko joaneko autobuseko elkarrizketetatik hasita Durangotik etxerako itzulerako autobusera arte. Baina ez da inpresio hutsa. Iazko azaroan Gerediaga elkarteak, Deustuko Unibertsitateak eta Siadeco ikerketa enpresak elkarrekin aurkeztutako datuek baieztatu egiten dute sentsazio hori. Euskaldunak dira azokako bisitarien %92. Eta nabarmentzekoa da horrek esan nahi duena ere: Euskal Herriko euskal hiztun guztien %12 pasatzen dira Landako gunetik egunotan.

Hamar euskaldunetik bat pasatuko da egunotan Durangotik. Eta berdin Iurretako biribilguneko pintaketatik ere.

Bada lorpena. Europako beste ezein hizkuntza gutxituk ez du datu hori parekatzen. Horregatik esaten da Landako gunea bost eguneko oasia dela. Eta egia da. Gutxiagotan esaten da, ordea, Landako gunea bost eguneko arrainontzi bat ere badela, nahiz eta hori ere baden egia. Inpresio hori ere baieztatzen dute Gerediaga elkartearen, Deustuko Unibertsitatearen eta Siadecoren datuek. Euskal Herriko biztanleria ez-euskaldunaren %0,5 bakarrik pasatzen da Durangotik.

Parentesi arteko kultura bat da euskal kultura, Landako guneak markatzen ditu parentesi arteko espazio horren lorpenak eta mugak, baina parentesi arteko jendea gara, halere, eta ez dugu oraindik erabat asmatzen biribilgune horretatik nola atera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Organoa, zubi lanerako tresna

Organoa, zubi lanerako tresna

Unai Zubeldia - Gipuzkoako Hitza

Jose Luis Elorza eta Jesus eta Jose Ibazeta eibartarrek Helmholtz organoa sortu zuten, 1961ean. Organoaren 60. urteurrena gogoratzeko, kontzertu berezi bat egingo dute azaroaren 30ean, Eibarren.

Estitxu Arozena Saioa Alkaizari txapela janzten, gaur, Anaitasunan (Iruñea). ©Idoia Zabaleta / Foku

Saioa Alkaiza Nafarroako txapeldun

Hodei Iruretagoiena

Saioa Alkaiza Guallarrek irabazi du 2021eko Nafarroako Bertsolari Txapelketa. Hura eta Eneko Lazkoz Martinez aritu dira txapelaren lehian, buruz burukoan. Haien atzetik sailkatu dira, hurrenez hurren, Julio Soto Ezkurdia, Joanes Illarregi Marzol, Xabier Silveira Etxeberria, Xabat Illarregi Marzol, Josu Sanjurjo Altzuri eta Eneko Fernandez Maritxalar.
Horrela jarraitu du finala BERRIAk, zuzenean.

Stanislaw Lem, 1962an, Krakovian (Polonia). ©EFE

Itsasoa, itsasoa

Joannes Jauregi

Stanislaw Lem idazle poloniarrak ehun urte beteko zituzkeen aurten, eta duela hirurogei kaleratu zen haren obra nagusia, 'Solaris' eleberria; nobela bikaina da, klasiko peto-petoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.