Albistea entzun

Iturrigorri eta Bellotzako parajeak

Iturrigorri eta Bellotzako baso eta zelaiguneek eskaintzen dituzten aberastasunen artean, kortarri edo haustarriak daude.
Bellotza inguruko zelaiguneak.
Bellotza inguruko zelaiguneak. MIKEL ARRIZABALAGA

Mikel Arrizabalaga -

2015eko maiatzak 19

Arantzazuko Santutegiaren aurrean dagoen plazatik abiatu, eta, gure ezkerrera dagoen Goiko Benta atzean utzi eta gero, Sindika ostatuaren ondora helduko gara. Urbiara igotzeko, ohiko bidetik egingo dugu aurrera PR GI-3005ari dagozkion bide-seinale zuri-horiek erakusten diguten norabidean. Metalezko langa baten ondora iristean, Urbiara doan bidea utzi, eta basoan zehar zabaltzen den pistatik jaisten hasiko gara. Gure eskuinean, Arantzazu erreka — behean— eta Gazteluaitz tontor bikaina — goian— ikusiko ditugu. Pagadi trinkoek eskaintzen diguten itzalpean erraz egingo dugu bidea, eta, porlanezko zubitxo bat gainditu ondoren, futbol zelai bat ikusiko dugu, eta segidan beste batzuk.

Iturrigorriko lurretan, Arantzazuko frantziskotarren apaizgaitegiko ikasleek lursail hauek futbolerako eta beste kirol batzuk egiteko moldatu zituzten XX. mendearen lehen hamarkadetan. Gaur egun, isiltasuna da nagusi paraje hauetan, eta herdoildutako ateak bakarrik geratzen dira garai haietako lekuko gisa. Azken zelaiaren ondoan, iturria aurkituko dugu. Aurrera jarraitu, eta, bi zubi igaro ondoren, bidegurutze batera iritsiko gara. Guk eskuineko bidea aukeratuko dugu, balizatuta dagoena. Malda pikoari eutsi, pagadia atzean utzi, eta berehala pinudi batean sartuko gara. Arrionako lepora iristean, bidegurutze batekin egingo dugu topo.

Eskuinera doan bidea hartuko dugu; baina, lehenago, pinu artean dagoen pago bakar baten ondoko Arrionako kortarria ikusteko aukera izango dugu. Harri hauek kortabasoak eta saroiak zehazteko erabiltzen ziren. Kortabasoak antzinako lur banaketak dira, abereentzako larre partikularrak. Haustarri eta artamugarri izenez ere ezagunak dira. Pinudian zehar, behera egiten hasiko gara, eta, pinudia amaitzean, pagadi bikain batean murgilduko gara. Bidezidorrak basoa zeharkatzen du, eta, behera heldu aurretik, berriro pinudi batean sartuko gara. Errekasto pare bat gainditu, eta, bat-batean, ikuspegia erabat zabalduko zaigu. Mendi artean oasi berde bat aurkituko dugu, eta, inguruan, kareharrizko haitz erraldoiak eta baso trinkoak. Pista zabal batek bitan zatitzen ditu lurrak, eta bertatik jarraituko dugu alanbrezko hesiaren paraleloan.

Bide erdian gutxi gorabehera, gure ezkerrera eta egurrezko ataka gainditutakoan, Bellotzako kortarri berezia aurkituko dugu, bi zelai banatzen dituen alanbrezko beste hesi baten ondoan. Pistaren beste aldean, Erbizaskun mendiaren magalean kokaturik, Bellotza baserria ikusiko dugu. Bitoriano Gandiaga frantziskotar eta poeta ezagunak kontatuta, inguru hauek Santa Kruz apaizaren gordelekua izan omen ziren. Laster utziko dugu atzean paraje eder hori, eta, porlanezko pistara jaistean, haizpitarte bat zeharkatuko dugu zubi baten ondora iristeko. Puntu honetan eskuinera, maldan gora ateratzen den zidorretik, Arantzazuko aparkalekuraino igoko gara. Desnibela handi samarra da, baina bidea ondo zainduta dago; sigi-sagan, erraz lortuko dugu abiapuntura iristea. Bide batez, euskal arte garaikidearen ikur nagusienetakoa den santutegia eta bere altxorrak bisitatzeko aukera baliatuko dugu. Aipatzekoak dira Jorge Oteizaren eskultura harrigarriak, Xabier Alvarez de Eulateren beirate modernoak, Nestor Basterretxearen margoak eta Lucio Muñozek egindako erretaula.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Old Trafford estadioa. ©Laurence Griffiths / POOL / EFE
Mikel Merino, Asier Illarramendi eta Igor Zubeldia Realeko jokalariak, Manchester Unitedeko Marcus Rashfordi baloia kendu nahian, joanekoan. ©A. DI MARCO / EFE

Manchesterren kontra lehiari heltzeko gakoak xehatu ditu Uxue Otxoa psikologoak

Jon Ander De la Hoz

Joanekoan galdu ondoren, Reala suspertu beharrean dago gaur Manchesterren jokatzeko. Iluntzeko lehiari heltzeko gakoak xehatu ditu Uxue Otxoa psikologoak.

Aitor Elizegi Athleticeko presidentea eta Raul Garcia jokalaria, aurrelariaren kontratu berria sinatzeko ekitaldian. ©ATHLETIC

Erronkak, adinaren gainetik

Ainara Arratibel Gascon

Baieztatu da bolo-bolo zebilena: Raul Garciak beste urtebetez luzatu du kontratua Athleticekin. 35 urterekin, taldeari nortasuna eta eskarmentua ematen segitu nahi du, eta, nola ez, golak.

Chris Froome, eskuak altxatzen, Zoncolango helmugan, 2018ko Italiako Giroko 14. etapa irabazi berritan. ©DANIEL DAL ZENNARO / EFE

Azal berdina, mami ezberdina

Eñaut Agirrebengoa

Italiako Giroa maiatzaren 8tik 30era jokatuko da aurten, eta ez du espero zen bezain ibilbide gogorra edukiko, menditsua izan arren. Erlojuaren kontra 38 kilometro egingo dira soilik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna