Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Ipuliño eta Larre

Ipuliño, Larre, Urdelar, Laarte-Erroizpe eta Uli mendiek inguratzen duten Berastegiko harana; Gipuzkoan geratzen diren ikuspegi ederrenetako bat osatzen du.
San Laurendi ermita, Larreko tontorretik.
San Laurendi ermita, Larreko tontorretik. MIKEL ARRIZABALAGA

Mikel Arrizabalaga -

2015eko urriak 13

Berastegik baditu hiru baseliza ezagun: Larreko tontorrean dagoen San Lorentzo, San Sebastian eta San Anton. Gaurko ibilaldi honetan, San Laurendi bisitatuko dugu, eta beste bien ondotik pasatuko gara. Horretarako, herriko plazan ibilgailua utzi, eta Berastegiko eskolaren ondora jaitsiko gara. PR-Gi 111 ibilbidearen seinale zuri eta horiak segituz, Zuikin baserriaren ondora iritsiko gara. Bide balizatua segituz, basotik barrena igoko gara gaztainondoak nagusi diren eta baso mistoan marrazten den pistatik. Behin aldapa amaituta, bidegurutzera iritsi, eta Uli aldera doan bide balizatua utzi egingo dugu,eta ezkerretik ateratzen dena aukeratuko. San Sebastian santuaren baseliza inguratzen duen pistatik errepidera jaitsiko gara, eta, hori gurutzatu ostean, paretik ateratzen den xenda hartuko dugu. Poliki poliki igotzen hasi, San Anton baselizaren goiko aldetik pasatu, eta A-15 autobidera gerturatuko gara. Eskuinera ikusiko dugun aldapa igo, autobidearen azpitik pasatu (tunela), eta malda motz eta piko batek pista zabalera eramango gaitu.

Gorosmendiko leporantz doan bideari bizkarra eman, eta pista zabala segituko dugu, ezkerraldetik ateratzen den porlanezko pista batekin topo egin arte. Ipuliñoko txaletak deritzon urbanizazio txiki honetan amaitzen da porlana, eta, aurrera jarraituz, lurrezkoa aurkituko dugu. Aintzergako lurrak gure mendean, basoan zehar altuera irabazten hasiko gara. Lehen bidegurutzean, ezkerretik ateratzen den bidea hartu, eta maldan gora abiatuko gara Ipuliñoko tontor aldera. Pinudia atzean utzi, eta pagadi eder batean murgilduko gara orbelean zehar aurrera eginez. Aldapan gora, pagaditik atera, alanbrezko hesi bat gainditu, eta, tontorrera heldu aurretik, azken malda gogorrari ekingo diogu. Gurutze txiki bat, buzoia eta egurrezko eserleku eroso bat, inguruko panoramikaz gozatzeko.

Zintzurra freskatu, eta mendiaren gandorretik ipar-mendebalderantz jaisten hasiko gara. Pagadian zehar, altuera azkar galduko dugu, eta lepora iristean harri bietan zizelkatuta San Laurendi eta Ipuliño irakurri ahal izango ditugu. Guk aurrera segituko dugu, aurrez aurre ikusiko dugun Larreko tontor aldera. Lehendabizi, Gorosmendiko lepora jaitsiko gara, eta, pista zabaletik igotzen hasi orduko, eskuinaldetik pinudian sartzen den zidorra hartu, eta malda gogorra igoko dugu Larreko San Laurendi baselizaren ondora iritsi aurretik (pista jarraituz ere igo daiteke). Han dagoen mahaiaren inguruan hamaiketako ederra egiteko aukera aprobetxatu eta gero, metro batzuk aurrerago dagoen tontorrera abiatuko gara, antenen ondoan baitago buzoiaren funtzioa betetzen duen espaziontziaren ondora, hain zuzen ere.

Tontorretik bertatik ateratzen den harrizko pista zabaletik hasiko gara jaisten, baina bide erdian eskuinaldera joko dugu, «Berastegi» idatzia duen txartel batek erakusten duen noranzkoan. Jaitsiera azkarra da, eta, pista zabal bat gurutzatu ondoren, sigi-sagan Goiko Bordara jaitsiko gara. Bide zaharretatik herriaren goiko aldera heldu, eta herriko udaletxearen plazan amaituko dugu ibilbide zirkular hau.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nasser Al Khater. / ©EFE

Munduko Kopako antolatzaileak gogorarazi du Qatarren ez daudela onartuta sexu bereko pertsonen arteko harremanak

Jon Ordoñez Garmendia

Nasser al-Khater antolaketa batzordeko arduradunak esan du LGTBI kolektiboko pertsonak joan daitezkeela Qatarrera, baina maitasunik ezin dutela adierazi.

 ©GORKA RUBIO / FOKU

«Irabazitakoan, azken hiru edo lau urteetako bilakaeraz oroitu naiz»

Jon Ander De la Hoz

Euskal Herriko federazioaren aizkolari txapelketa irabazi berri du Hodei Ezpeletak. Urrezko Aizkoran urte izugarri ona eginda, igandeko lorpena du aizkora lanean segitzeko akuilu: «Denborak hobetzeko gogoz nago».
Itziar Ariztimuño Gernikako jokalaria baloia babesten Flammeseko jokalarien aurrean. ©ARITZ LOIOLA / FOKU

Uste baino lehen, agur

Ainara Arratibel Gascon

Eurokopatik kanpo geratu da Gernika, Flammesen kontra 56-58 galdu ostean. Bizkaitarrek 20 baloi galdu dituzte, eta hor egon da gakoa

Raul Garcia Atleticeko jokalaria Casemiro Real Madrilekoa gainean duela, atzo, Santiago Bernabeun. ©KIKO HUESCA / EFE

Gehiago merezi izan du

Mikel O. Iribar

Athletic Real Madrilen areara heldu den bakoitzean txiki geratu da Courtoisen aurrean. Benzemak sartu du partidako gol bakarra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.