Albistea entzun

Mondarrain Itsasutik

Igoera atsegingarria: hasi Itsasutik, Atharriko lepotik barrena iragan, eta, gailurrez gailur, Atharri tontorreraino eta haren inguruko Urrezti haitzetaraino heldu arteko ibili ederra.
Mondarrainetik hegoalderanzko bistak.
Mondarrainetik hegoalderanzko bistak. GORKA LOPEZ Tamaina handiagoan ikusi

Gorka Lopez -

2016ko urriak 4

Ibilbideari ekiteko, Itsasuko elizaren eta hilerriaren aurrez aurre dagoen aparkalekutik abantatuko gara. Idazkun bat aurkituko dugu han, Atharriko leporantz erakusten duena, baina ez dugu alde horretatik joko, baizik eta ezkerraldean ageri den bide batetik, eta handik egingo dugu gorantz, Atharriko Patarra dioen plaka baten ondotik igaro eta gero. Goraka egingo dugu zati batean, Itsasuko frontoia eskuinaldera utzita, eta, handik gutxira, pista batetik ibiltzen hasiko gara, lorategi eta guzti duten etxetzar sail baten ingurumarian, eta bidexka batekin topo egingo dugu; handixe segituko dugu.

Bidexka horretatik pixka batean ibili ostean, bidegurutze batera helduko gara, eta lau noranzko ikusiko ditugu. Ezkerraldetik doan bidetik segituko dugu, X itxurako baliza hori batek markaturikotik. Bazkaleku hesituetatik barrena ibiliko da bide hori, eta gorantz egingo dugu, emeki-emeki: ukuilu baten aurretik pasatuko gara, itxitura bateko langa zeharkatuko dugu, eta garoleku batetik barrena egingo, zeinak betetzen baitu Atharriko mazela etzana. Garolekua iragan eta gero, zelai batera helduko gara: gurutze batek erakutsiko digu Atharriko lepoan gaudela. Toki estrategiko horretatik, ingurumari osoaren ikuspegi zabala izango dugu: bizkarrez, landa lurrak, eta Itsasuko etxeak han-hemenka sakabanatuta; aurrez aurre, Laxia amildegi zabala, Artzamendiko eta Mondarraingo magaletan tartekatuta.

Atharriko muinoan, eskuinetik joko dugu, eta berehala amaituko dugu Atharri muinotxorainoko igoera. Segituan, dozenaka metro batzuk egingo ditugu beherantz, bidegurutze bateraino; han, eskuinetik joko dugu, Mondarrainerantz seinalatzen duen idazkunari jaramonik egin gabe, beste alderantz erakusten baitu. Antena baten paretik iragango gara, eta garoleku bat zeharkatuko dugu; itxituretako iraganbideetatik zeharkatuko dugu itxitura, eta, bi baserriren arteko paisaia zabal batetik barrena ibiliko gara, eta Legarreko lepoa iragaten duen errepideraino helduko.

Ezkondrai mendia

Errepidea pasatu, bide zabal harritsu batetik igo, eta magalez magal ibiliko gara Ezkondrai mendian, Amezketa lepoa alderik alde hartzen duen izeidiraino. Haren eskuineko aldetik joko dugu, eta, Mondarraingo maldaxka belartsutik ekinda, mendi tontorraren gainaldean ageri den pagadian barreneraino helduko gara. Zuhaitzen gerizpe ospelean, ezkerraldeko baliza horiei segituko diegu, ibilbide lau harkaiztsu batetik, eta Mondarrain gailurrean dagoen harrizko gurutzeraino helduko gara.

Zuzenean lehengo bidetik itzuli beharrean atzera, Mondarrainera igo garen aldetik ez bestetik jaisten hasiko gara, eta hurrengo gailurreriako muinoraino jaitsiko gara; artegi baten ondotik igaroko gara, eta bidexkako ildo harkaiztsu batetik joko dugu. Handik hurbil daude Urreztiko haitzak, eta tontorrera helduko gara; sekulako ikuspegia dago goi-goitik. Gero, Urreztiko harkaitz multzoaren beste aldetik egingo dugu beherantz, eta lehentxeago utzia genuen bidezidorrarekin topo egingo dugu; kontrako noranzkoan joko dugu handik, Mondarrainerantz berriro ere. Gailurraren beheko aldera heldutakoan, eskuinetik joko dugu, eta, magaleko bidezidor batetik, Amezketako izeidira helduko gara, eta igotzeko ibili dugun bidetik itzuliko gara Itsasura.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©ICON SPORT

«Ezin da esan etxetik kanpoko partidetan ondo aritu ez garenik»

Iñaki Berastegi

Baionan lehen sasoia du Facundo Boschek. Uste du taldeak «espero baino hobeki» hasi duela denboraldia. Lyonen aurka jokatuko dute etzi (17:00), Jean Daugerren. Aurkari indartsua da Frantziako taldea.
Stephanie Frappart epailea. ©Juanjo Martin / Efe

Hiru emakumek zuzenduko dute gaur Alemania-Costa Rica partida

Ainara Arratibel Gascon

Stephanie Frappart izango da epaile nagusia, eta Neuza Back eta Karen Diaz marrazainak. Lehen aldia da emakumezko batek gizonezkoen Munduko Kopako partida bat zuzentzen duela.

<em>Crypto.com</em> eta Budweiser enpresen publizitatea, Ingalaterraren eta Galesen arteko partidan. ©GEORGI LICOVSK / EFE

Babestua dago Munduko Kopa

Ainara Arratibel Gascon

Qatarren, debekatua dute edari alkoholdunak saltzea eta kriptodirua erabiltzea, baina Munduko Koparen babesle dira, besteak beste, sektore horretan ari diren hainbat enpresa eta marka.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.