Albistea entzun

Elizagorriko lurretan

Elizagorriko (Nafarroa) zereal lurren artean higadurak zizelkatu dituen erliebe bitxi, koloretsu eta dotoreak ezagutzeko ibilbide erakargarria da hemen proposatutako hau.
Cerrorroyo, Raicillako tontorretik ikusita.
Cerrorroyo, Raicillako tontorretik ikusita. MIKEL ARRIZABALAGA

Mikel Arrizabalaga -

2015eko abenduak 1

Elizagorria herriko nekazari lurretan higadurak erliebe bitxi eta harrigarriak zizelkatu ditu mendeetan. Lubaki, mendixka eta beste hamaika forma koloretsu zereal lurren artean altxatzen dira inguruari itxura berezia emanez. Sasoiaren arabera, erliebe hauek soineko dotorez janzten dira: udaberrian berde biziaz, eta udaran, berriz, hori distiratsuaz. Ibilbide zirkular hau eginez gero, ingurune bakarti eta bitxi honetaz gozatzeko parada izango dugu, eta, bide batez, gogora ekarri Ramoncitoren elezaharra.

Elizagorrian autoa utzi eta gero, kale nagusitik beherantz egingo dugu, ekialderantz, hain zuzen ere. Odron ibaia gurutzatu eta bidegurutze batera heltzean, gure ezkerretik ateratzen den pista zabala hartuko dugu. Salado esaten zaion sakanean murgilduko gara, eta, lehen bidegurutzera iristean, ezkerretik igotzen den lurrezko beste pista bat hartuko dugu. Erraz iritsiko gara Raicilla eskortaren hondarren ondora. Horren ondotik, ikusgaitz den bideak gertu dugun lepora eramango gaitu, eta bertara iristean gertu ikusiko dugu Agudilloko tontorra. Motoek utzitako arrastotik azken aldapa motz eta pikoa igo, eta gainera helduko gara. Ez dago ez buzoirik, ez bestelako markarik. Bertatik, gertu ikusiko ditugu Cerrorroyo eta Raposos tontorrak.

Lehenik, Cerrorroyo aldera joko dugu, eta, horretarako, tontorretik beste aldera jaisten hasiko gara, eta aurrerago mendiaren magala zeharkatzen duen xenda aurkituko dugu. Laster lur okreak zapalduko ditugu, eta pista zabalera ateratzean Cerrorroyo mendixka gorrira gerturatuko gara. Bidetik at, ipar aldetik igoera erraza du. Pistara itzuli, eta aurrera egingo dugu Raposos mendixkaren ondora gerturatuz. Sumendi txiki baten itxura duen mendi horretara igotzeko, ipar- ekialdetik ikusiko duzun xenda moduko bat hartuko dugu, eta, aldapa motz eta pikoa gainditu ondoren, gainalde zabal batean agertuko gara.

Ramoncitoren elezaharra

La Planillako goi lautadatik bereizten den uharte horrek ez du erakarmen berezirik, baina bada elezahar bat gogora ekarriko duguna. Kondaira horren arabera, inguru hauetan ba omen zen Ramoncito izeneko lapur bat mendi honetan leize txiki batean bizi zena. Inguruko muinoetan txorimaloak jartzen zituen lapur askok lagundurik zegoela irudikatzeko, eta, estrategia hori baliatuz, oihuka jaisten zen, jendea ikaratu eta lapurreta egiteko.

Igotako bidetik lepora itzuliko gara, eta hemen bi aukera izango ditugu: eskuin aldetik ateratzen den euri bidetik gorantz egin dezakegu, edo aurrez aurre ikusiko dugun pinudian murgildu eta maldan gora igoko gara, bide jakinik gabe. Goiko aldera ateratzean, La Planillako zereal lur zabalak ikusiko ditugu, eta pinudiaren paraleloan aurrera egingo dugu, apenas altuerarik irabazi gabe. Pistak bidegurutze batera eramango gaitu, eta eskuinekoa aukeratuz erraz egingo dugu aurrera. Elizagorri aldera doan lurrezko pista zabal horretatik, beste bidegurutze batera iritsi, ezkerrekoa hartu eta Salado sakanaren hasierako puntura jaitsiko gara. Abiapuntura heltzeko denbora gutxi beharko dugu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mendifilmen aurkeztuko duten 'Joy' filma ©

Ohiko osagaiekin doa heldu eginez Mendifilm

Unai Ugartemendia

Ostiralean hasi, eta abenduaren 18an bukatuko da hamabosgarren Mendifilm jaialdia, Bilbon. Indartsu hasiko da aurtengo ekitaldia: Alastair Lee zuzendari ingelesaren Ephemeral-ekin, eta Ignasi Lopez kataluniarraren Egoland-ekin.

Kroaziako atezaina eta jokalari bat, final-laurdenetarako sailkapena ospatzen, atzo. ©NEIL HALL / EFE

Bete da espero zena

Jone Bastida Alzuru

Brasilek aise hartu du mendean Hego Korea. Kroaziak, berriz, penaltietan kanporatu du Japonia
Xerdan Xaqiri Suitzako jokalaria, Serbiari sartutako goletako bat ospatzen. ©ROLAD WITTEK / EFE

Gerran jaio eta zelaian hazi

Iñigo Lasa

Xerdan Xaqiri Suitzako selekzioko izarretako bat da. Messi eta Cristiano Ronaldorekin batera, azken hiru Munduko Kopetan gola sartu duen jokalari bakarra da.
Patxi Vrignon-Etxezaharreta, France-Presseko kirol kazetari euskalduna, Qatarren, Munduko Kopako baloia buruan daukala. ©PATXI VRIGNON-ETXEZAHARRETA

Zalantzaz betetako ametsa

Beñat Mujika Telleria

Patxi Vrignon-Etxezaharreta France-Presse agentziako kazetaria Qatarren dago, Munduko Koparen berri ematen, eta herrialdearen berezitasunak ezagutzen ari da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...