Mediaset taldean —bereziki Cuatron— hainbat saio aurkeztu ostean, Pedro Garcia Aguadok Cazadores de trolls saio berria gidatuko du gaurtik aurrera La Sexta katean (22:30). Programako atal bakoitzean, Interneten itzalpean eta anonimotasunaren izenean ezkutatzen dena islatuko dute. Garcia Aguado batera eta bestera ibiliko da, Interneteko erasotzaile anonimoen bila eta biktimen lekukotzak jasoz.
Bambu Entertainment ekoizpen etxeak egin du saioa, eta iragarri du lekukotzak, docu-reality, ikerketak, coach, thriller eta road movie generoetako osagaiak uztartu dituztela atal bakoitzean.
Enrique Serrano kolaboratzaileak ikerketa lanak egingo ditu, biktimaren soslaia lortu, eta erasotzailearen nortasuna bilatuz. Ana Isabel Saez saioko psikologoa izango da, eta troll-en soslai psikologikoa azalduko du.
Kasuetako bat, Donostian
Lau programa emango dituzte datozen lau astearteetan. Horietako batean, Donostian bizi den emakume gazte batek jasandako erasoen berri emango dute. Telefono deiak, isekak posta elektroniko bidez eta etxean pintaketak pairatu ditu. Kontaktuen web batean, emakumearen bortxaketa eskatu izan du erasotzaileak.
La Sextak 'Cazadores de trolls' saioa estreinatuko du gaur gauean
Iruzkinak
Ez dago iruzkinik
Ordenatu