Noiz sortua: 2016-09-13 00:30:00

Irati Elizalde. Aurkezlea

«Politikariak alderdi posizio hermetikoetatik atera nahi ditut»

Hamaika telebistako 'Esatea libre' gaur-gaurko gai politikoei buruzko saioaren sasoi berriko aurkezlea izango da kazetari donostiarra gaurtik, asteartero, 21:30ean.
HAMAIKA TB / EZEZAGUNA

Edu Lartzanguren -

2016ko irailak 13

Saioaren lema hartzeko ardura urte politikoarekin eta hauteskunde kanpainarekin gertatu zaio Irati Elizalde kazetariari (Donostia, 1990). Lehen aldiz aurkeztuko du gaur-gaurko gai politikoen inguruko saio bat.

Nola eragingo dio saiori legebiltzarrerako bozen kanpainan hasi izanak?

Asko baldintzatuko du. Kanpaina hizpide izango dugu aste honetan eta hurrengoan, nahiz eta beste gai batzuez ere ariko garen, adibidez, Kataluniako Diadaz. Baina, hauteskundeak pasatuta ere, gobernua osatzeko akordioetarako garaia helduko da, eta horrek ere emango digu zeresana. Politika zentzu zabalean ulertu nahi dugu, eta herritarron ekinaldiak tokia izango du, ez da dena erakundeetan egiten den politika.

Zer norabide emango diozu saioari?

Aktualitate politikoa aztertzeko saiakera egingo dugu. Aste barruan gertatu denari ikuspuntu ezberdinetatik begiratuko diogu, eta ahalik eta ertz gehien bilatuko dizkiogu.

Eztabaida espektakulutik urrundu nahi duzula esan duzu. Zer beste aukera jorratuko duzu?

Ikuskizunera ohitu gara, bai parlamentuan eta bai telebistan. Gustatuko litzaidake eztabaida politiko eraikitzailea izatea, batez ere, euskaldunoi interesatzen zaizkigun gaietan zentratua. Gaiak mahai gainean jartzen ditugunean, askotan izango ditugu gonbidatuen artean horretan ardura zuzena duten politikariak, eta kontuak eskatzeko aukera ere izango dugu. Beste batzuetan, kazetari eta analistak izango ditugu mahaiaren bueltan.

Zer trikimailu erabiliko duzu alderdien ordezkariek euren taldeetako ohiko diskurtsotik ateratzeko?

Hori izango da zailena. Herritarron interesek ezarriko dute agenda, eta ez alderdiei interesatzen zaizkienek. Politikariak alderdi posizio hermetikoetatik ateratzen saiatuko naiz, benetako eztabaida politikoa egon dadin. Ez dakit nola egingo dudan; probatuz joan beharko dut. Hasteko, saiatuko naiz denbora gehiegi ez ematen bakoitzari hitz egiteko, eztabaida bizia izan dadin. Baina, noski, hobe litzateke nire rola oharkabean pasatuko balitz ikusleentzat, eta ez baliote gehiegi erreparatuko nik esaten dudanari, baizik eta gonbidatuen hitzei.

Arazorik izango al duzue alderdi batzuetako kideak estudiora ekartzeko?

EH Bildukoak, EAJkoak, Ahal Dugu-koak eta PSEkoak izango ditugu. Saiatu gara PPkoak ekartzen, baina ez da izan posible. Halere, asteazkeneko debatera [22:00etan] etorriko da PPko ordezkari bat. Gero eta gehiagotan etortzera espero dut.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

<b>Bisitak.</b> Senideen eta egoiliarren arteko bisitak, atzo, Andoainen. ©BERRIA

Egoiliarrak eta senideak, hormaren alde banatan

Irati Urdalleta Lete

Gipuzkoako zahar etxeetan dauden egoiliarren senideak ezin dira barrura sartu, eta atarian ari dira bisitak egiten, horma batek bereizita. Orain arteko egoera ikusita, gustura daude aurrez aurre egoteko daukaten aukerarekin.

Senideak, Iruñeko Erruki Etxearen kanpoaldean, egoiliarrak bisitatzen. / ©Jesus Diges, EFE

Egoiliarra ardatz duen zaintza eredua bultzatu nahi dute Nafarroan

Joxerra Senar

Zahar etxeetako eta beste gizarte zerbitzuetako egoitzak arautzeko dekretuaren zirriborroa aurkeztu du Nafarroako Gobernuak. Etxe baten antz handiagoa izango duen eredu bat lortu nahi dute aldaketekin

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna