Albistea entzun

Emakunde bat etorri da greba feministaren aldarrikapenekin

Martxoaren 8ko mobilizazioetan parte hartzeko deia egin du. Gazteei «berdintasuna irakasteko» kanpaina bat hasi du erakundeak
Emakunderen kanpainaren aurkezpena, atzo, Gasteizen.
Emakunderen kanpainaren aurkezpena, atzo, Gasteizen. JUANAN RUIZ / ARGAZKI PRESS Tamaina handiagoan ikusi

Iosu Alberdi -

2018ko otsailak 27

Emakundek bat egin du Euskal Herriko mugimendu feministak martxoaren 8rako, Emakumeen Nazioarteko Egunerako, deitutako grebaren aldarrikapenekin. Egun horretara begira diseinatutako kanpaina aurkeztu zuen erakundeak, atzo, Gasteizen. Berdintasuna ikasi egiten da. Irakatsi berdintasuna izango da kanpainaren leloa, eta belaunaldi berriek, besteak beste, etxeko lanen eta besteen zaintzaren ardura partekatuarekin lotutako mezuak jasotzea du helburu.

Emakundeko zuzendari Izaskun Landaidaren esanetan, martxoaren 8ko grebak «langile grebaren kontzeptu klasikoa» gainditzen du, ez baitute sindikatuek antolatu, mugimendu feministak baizik. Aldarrikapenak lan mundutik harago doazela ere esan du, besteak beste, zaintza lanak ere barneratzen dituelako, «ezkutatuak eta gutxietsiak», eta nagusiki emakumeek egiten dituztenak. «Euren egoeragatik» greba egin ezin duten emakumeak ere ahal duten neurrian mobilizazioetan parte hartzera animatu ditu.

Martxoaren 8ra begira, Emakundek sentsibilizazio kanpaina bat ere jarri du martxan, gaur hasi eta martxoaren 13a bitartean garatuko dena. Kanpainaren protagonistak gazteenak izango dira, eta horiei berdintasunean oinarritutako balioak irakastean jarriko du arreta Emakundek: «Balio horiek ez dira bakarrik sortzen». Erakundearen arabera, eragile guztiek «erantzukizun handia» dute eredu parekideak zabaltzeko orduan. Hala esan du Izaskun Landaidak: «Ezin dugu gizarte berdinzalea eraiki gizartea osatzen dugun pertsona guztiok ez baditugu erakusten errespetuan, pertsonen eskubideetan eta berdintasunean oinarritutako balioak».

Ereduen garrantzia

Neskek eta mutilek «helduen jarrerak» kopiatzen dituztela adierazi du Emakundek, eta berdintasuna irakasten ez bada «desberdintasuna» ikasten dela azpimarratu. Horregatik, kanpainan azpimarratu dute helduek etxean, eskolan, kalean, telebistan eta Interneten etxeko gazteei transmititzen dizkieten ereduak eta jarrerak duten garrantzia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Donostia ospitaleko sarrera. ©JAVIER ETXEZARRETA / EFE

Transmisioa gero eta nabarmenago arintzen ari da aldagai guztietan

Uxue Rey Gorraiz

Martxoaren 14tik Hegoaldean zenbatutako kasu kopururik apalena izan da igandean: 334. ZIUetan 165 eri dira; azken hileko gutxien
Erreskate operazioa Parlitobelgo arroilan, iazko abuztuan. ©GIAN EHRENZELLER / EFE

Iazko abuztuan Suitzan galdutako mendizale nafarraren gorpua topatu dute

Edu Lartzanguren

Diego Maeztu eta beste hiru euskal herritar Parlitobelgo arroila jaisten ari ziren, ekoitz batek errekako urak handitu zituenean. Hiruren gorpuak berehala aurkitu zituzten, baina Maezturen arrastorik ez zegoen geroztik.

 ©GORKA RUBIO / FOKU

«Epai horren bidez, epaileek legeria aldatu nahi dute»

Ion Orzaiz

EAEko Auzitegi Nagusiaren ebazpenak, Irungo Udalaren euskara eskakizunak ez ezik, Euskal Herriko erakundeen autogobernua ere kamusten du, Iñigo Urrutiaren ustez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.