Eusko Legebiltzarrerako hauteskundeak. Boto-prontoan

Mitina

Xabier Etxaniz Rojo -

2012ko urriak 10

Joan den igandean Patxi Lopezek Donostiako Bulebarrean eman zuen mitina ikusi nuen. Bai, badakit, eta arrazoia duzue: zuhurtziagabetasun handia izan zen nire partetik, erokeria galanta, alimaleko kirtenkeria. Ea zertan ari nintzen pentsatzen galdetuko didazue, zilegitasun osoz gainera, egia baita familia dudala, ardura handiak eta askotarikoak, egia baita jende mordoak maite nauela…

Pentsatu gabe egin nuen. Baten batek egin behar zuela esan nion neure buruari ,eta ero moduan joan nintzen, alkandorako botoiak askatuta, beldurrak airean, bai, baina nire irakurleenganako maitasunak akuilatuta…

Bai, arrazoia duzue: axolagabekeria izan zen. Zin dagizuet azken aldia izango dela…

Defentsarako zirrikitu gutxi izan arren, aitortu behar dut ez nintzela askorik ere hurbildu. Bulebarreko terraza batean geratu nintzen, garesti antzean ordaindu nuen kafe baten abaroan, egunkariaren atzean ezkutaturik. Eta pipa ahoan.

Hura izan zen, zalantzarik gabe, nire akatsa.

Izan ere, susmoa baitut ikusi egin nindutela. Kea ikusi edo pipa tabakoa usaindu, bietako bat. Nola ulertu, bestela, Patxi Lopezen teloneroak euskaraz egin zuen hasiera sutsu hura? «Gaurkoan euskaraz hasiko naiz, eta badakizue zergatik, aske naizelako», egin zuen oihu.

Lau haizeetara, bai, baina niri begira.

Horrek urduri jarri ninduen. Gero, Rodolfo Ares ikusi nuen paseoan, disimuluan… eta handik aurrera, apenas entzun nion ezer Patxi Lopezi. Soilik irabaziko zutela.

Ahal izan nuen moduan egin nuen ihes.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Baionako ostatu bat, uztailean. ©Bob Edme

Ostatuak 22:00etan itxi beharko dituzte Ipar Euskal Herrian

Maddi Ane Txoperena Iribarren

Eric Spitz Pirinio Atlantikoetako prefetak neurri berriak iragarri ditu. Ostatuek ezinen dute eramateko alkoholik saldu 22:00etatik aitzina, eta karrikan ezinen da alkoholik edan 22:00etatik 08:00etara. Bezeroen erregistro bat egin beharko dute ostalariek. Ortzegunean jarriko dituzte neurriak indarrean, hamabortz egunerako, gutienez.

Bilboko taberna bat, edukiera murriztuta. ©Jaizki Fontaneda / Foku

Ostalarientzako diru laguntzak eskatu ditu EH Bilduk

Erredakzioa

Sektorea erreskatatzeko plan bat aurkeztu du koalizioak: Eusko Legebiltzarreko osoko bilkurara eramango du.

Ostalariek protesta egin dute gaur Nafarroako Gobernuaren aurrean. ©IÑIGO URIZ / FOKU

Nafarroako ostalariak, itxieraren kontra: «Sektorea kriminalizatzen ari dira»

Ion Orzaiz

Tabernak eta jatetxeak «seguruak» direla adierazi du Nafarroako Ostalaritza eta Turismo Elkarteak. Elkarretaratzeak eginen dituzte ostegunetik aurrera

Udal langileak Azkoienen, kalea garbitzen. / ©Idoia Zabaleta, Foku

Gipuzkoak 100.000 biztanleko 500 positiboren langa gainditu du

Arantxa Iraola-Irati Urdalleta Lete

Hego Euskal Herrian egin dituzten testen %9,2k eman zuten atzo positibo. Eusko Jaurlaritzak ez du «ezer» baztertzen, baina, oraingoz, konfinamenduak eta etxeratze agindua ez daude mahai gainean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna