LABek eskatu du EITBko giza baliabideetako zuzendaria kaleratzeko

U.U. -

2016ko apirilak 27
EITBko administrazio kontseiluko bilera egin zuten atzo, Bilbon, eta, horren aurretik, elkarretaratzea egin zuten taldeko LABeko ordezkariek. LABek Javier Salcedo EITBko giza baliabideetako zuzendaria kaleratzeko eskatu zuen, kontratazioetan «irregulartasunak» egiten ari delakoan. Halaber, 2010ean ezarri zuten soldataren %5eko murrizketa EITB taldeko langile guztiei eteteko eskatu zuen sindikatuak. Bi eskaerak jasotzen dituzten agiriak bilerara eraman zituen Edorta Aranak, LABek administrazio kontseiluan duen ordezkariak.

Soldataren murrizketaren soka luzea izan da. Espainiako Auzitegi Gorenak azken epaian arrazoia eman zion sindikatuari, eta ETBko langileei hurrengo nominan kenketa gabe ordainduko diete. «Ez, ostera, beste hiru enpresatan: EITB, Eusko Irratia eta EITBnet. Enpresa guztietan eskatzen dugu langileei itzultzea %5 hori», azaldu du Andoni Basabe LABeko ordezkariak.

Bestetik, LABeko ordezkariak salatu du Salcedo «desastre hutsa» dela kontratazioetan —azaroan ere eskatu zuen kaleratzea langile batzordeak—. ETBko zuzendaritzak onartu du Salcedok ez parte hartzea negoziazio mahaietan. «LABek esan zuen bestela ez zuela ezer negoziatuko, eta zuzendaritzak hori onartu du».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna