Protestak Budapesten, 'Nepszabadsag' egunkariaren itxieraren aurka

U.U. -

2016ko urriak 12
Joan den asteburuan milaka herritarrek parte hartu zuten Hungariako Nepzabadsag egunkariaren itxieraren aurkako mobilizazioetan. Mediaworks enpresa da egunkariaren jabea, eta larunbatean iragarri zuen kazetaren behin-behineko itxiera. Erredakzioko kazetariak ezin izan ziren egoitzara sartu, ezin zuten haien posta elektronikoa kontsultatu eta iritzi publikoarekin batera jakin zuten itxieraren berri. «Uste dugu hau kolpe bat dela», adierazi dute kazetariek Facebookeko orrialde batean.

Enpresak agiri batean jakinarazi zuen azkeneko urteetan egunkariak galera handiak izan dituela: 16 milioi euro inguru. Azkeneko hamar urteetan salmentak %74 gutxiagotu dira. Dena den, egunkariaren ildo editoriala Hungariako Gobernuaren kontrakoa zen, ezkerrerantz jotzen zuen eskuinera baino gehiago. Eta giza eskubideen aldeko hainbat taldek salatu dute itxierak lotura duela egunkariak Viktor Orban lehen ministroari egindako kritikekin.

Martin Schulz Europako Parlamentuko presidenteak «aurrekari kezkagarritzat» jo du itxiera. Europako Batasunak ere kezka azaldu du behin-behineko itxierarengatik, eta adierazpen askatasunaren eta pluralismoaren aldeko aldarria egin du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna