GALDEZKA. Omar Boudaaoui. Bizkaiko SOS Arrazakeria

Zer eskatuko zenioke lehendakariari?

MARISOL RAMIREZ / FOKU Tamaina handiagoan ikusi

Maider Galardi F. Agirre -

2020ko uztailak 9

«Gaizkile bagina bezala tratatzeari uztea eskatzen dugu»

«Aldarrikatzen dugu euskal erakundeek —Eusko Jaurlaritzak, foru aldundiek eta udalek— beren eskura dituzten tresna guztiak erabiltzea Atzerritarren Legearen ondorio negatiboei aurre egiteko. Gainera, lehendakariari eskatzen diogu modu eraginkorrean funtzionatu dezatela atzerritarrentzako bulegoek. Hiru hileko itxaronaldian eduki ez gaitzaten eskatzen diogu, eta arindu dezatela prozedura. Gurekiko tratua eta arreta hobea izan dadin nahi genuke. Alegia, pertsona migratuentzako harrera sistema eraginkor bat aldarrikatzen dugu.

Herritar guztientzako erroldarako sarbidea edukitzeko bermeak nahi ditugu, baita pertsona guztiek etxebizitza duin bat edukitzeko eskubidea ere. Osasun zerbitzuetara sarbidea eskatzen diogu, hemen bizi izan garen epea muga izan gabe, edota nortasun agiriak egunean edukitzearen derrigortasunik gabe.

Hezkuntza sistema publikoa, parekidea, askotarikoa eta antiarrazista nahi dugu, eta bakarrik iritsitako etorkin adingabeentzako harrera, babes eta tutoretza sistema bat: eraginkorra eta egiaztagarria.

Bestalde, hemen bizi garen guztion bozkatzeko eskubidea bermatzeko eskatzen dugu, geure egoera administratiboa edo jatorria dena delakoa izanda ere. Eta DSBEa guztiontzako izan dadin nahi dugu: bazterketarik gabe eta gutxieneko hiru urteko erroldatzerik gabe.

Eskatzen diogu gure auzoetako, herrietako eta hirietako udaltzainek, Ertzaintzak eta Espainiako Poliziak ez gaitzatela gelditu arrazoi arrazistengatik. Gu kriminalizatzeari utz diezaiotela eskatzen dugu, baita gaizkileak bagina bezala tratatzeari ere. Poliziaren abusu eta basakeria arrazistak ikertu ditzatela eskatzen diogu. Komunikabide publikoak antiarrazistak izan daitezela eskatzen dugu, eta blackface moduko praktiketatik libre izatea.

Azkenik, Atzerritar Legea eteteko eskatzen dugu, Atzerritarrak Barneratzeko Zentroak ixteko eta berehalako itzultzeak eteteko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna