Eusko Legebiltzarrerako hauteskundeak. GALDEZKA. Aitziber Aranberri. Zahar etxeko langilea

Zer eskatuko zenioke lehendakariari?

BERRIA Tamaina handiagoan ikusi

Maider Galardi F. Agirre -

2020ko uztailak 10

«Adinekoak ez daude behar bezala zainduta»

«Bizi dugun pandemia honen aurretik ere, zaharren egoitzetako langileok urte luzeak daramatzagu gaur egungo zaharren egoitzen ereduaren gabezien berri ematen. Pandemiak gogor jo ditu egoitza hauek, eta aurretik behin eta berriz esaten ari ginena ederki bistaratu da.

Adinekoen egoitzetan, kalitate eskaseko zerbitzua eskaintzen da: gure adinekoak ez daude merezi eta behar duten bezala zainduta. Besteak beste, beraien beharrizanak asetzeko adina langile ez dagoelako.

Bestalde, zaintza lanen zama oraindik emakumeok daramagularik, gurea, sektore feminizatua da, soldata arrakala eta prekaritate handia duena. Funtsezko zerbitzua izanik, aitortza sozial eta ekonomiko txikia duen sektorea da. Era berean, osasun krisi honetan argi geratu da zerbitzu publikoa kudeaketa pribatuaren esku utzi eta berau negozio bilakatzearen arriskua: enpresa pribatuek, erabiltzaile eta langileen ongizate eta segurtasunaren gainetik, etekinak lehenetsi dituzte, bizi izan dugun —eta oraindik bizitzen ari garen— egoera latz honetan ere.

Honegatik guztiagatik, Eusko Jaurlaritzako lehendakariari eta, oro har, euskal erakunde guztietako ordezkariei eskatuko genieke, gure gizarte antolakuntzaren erdigunean, jendartearen ongizatea bermatzen duten funtsezko zerbitzu eta jarduerak jartzea, pertsona guztiok bizimodu duina izan dezagun:

—Funtsezko zerbitzuen publifikazioa, irabazi asmoa duten enpresen gainetik, kalitatezko zerbitzua eskainiz eta langileriaren lan-baldintza duinak bermatuz.

—Zaintza lanen berrantolaketa, zaintza-sistema integral eta publiko sendoa garatuz.

—Sexuaren araberako lanen banaketak sortzen dituen soldata arrakalak deuseztatuko dituen benetako berdintasun politikak bultzatu eta prekaritatea deuseztatuko duen benetako lan politikak garatzea».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Basurtuko erietxearen kanpo aldean ostiralean hasi ziren PCR probak egiten. ©JAVIER ZORRILLA / EFE

Berriro ere berrehun positibo baino gehiago egun bakarrean: 255

Mikel P. Ansa

Bezperan baino 39 kasu gutxiago detektatu dituzte azkeneko 24 orduetan, baina berrehuneko langatik gora jarraitzen dute eguneko kasu berriek. Nafarroak osasun arreta indartuko du.

Emakume bat Zisjordaniako Bani Naim herrian maskarak saltzen, hil hasierako irudi batean. ©ABED AL HASHLAMOUN / EFE

Palestinako kasuek gora jarraitzen dute, neurriak gogortu arren

Ander Perez Zala

PANek 11.000 positibo baino gehiago baieztatu ditu, eta haren diru sarrerak %80 txikitu dira

Adinekoen aldeko mezua. ©L. J / FOKU

Eguneko zentroak berriz martxan ipiniko dituzte

Berria

Orain bi aste, COVID-19aren kasuen igoerak arduratuta, eguneko zentroak ixtea komeni zela jakinarazi zuen Eusko Jaurlaritzako Osasun Sailak.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna