Bizkaia, «Kantauri itsasoko Danimarka»

Bea Ilardia EH Bilduko Bizkaiko ahaldungai nagusiak adierazi du «politika sozialetan Bizkaia Kantauri itsasoko Danimarka» izatea nahi duela, bizkaitarrak hobeto bizi daitezen. Portugaleten izan zen atzo Ilardia, eta, bertan, esan zuen Bizkaiak «potentzialtasun handia» daukan arren «milaka lagunek» ez dutela «bizimodu duin bat bermatuta». Horrenbestez, beharrezkotzat jo du herrialdeak dituen baliabideak hobeto erabiltzea «interes orokorrari erantzuteko, eta ez gutxi batzuenei».