Noiz sortua: 2020-06-28 00:30:00

Eusko Legebiltzarrerako hauteskundeak. GALDEZKA. Nekane Balluerka. EHUko errektorea

Zer eskatuko zenioke lehendakariari?

MARISOL RAMIREZ / FOKU Tamaina handiagoan ikusi

Maite Asensio Lozano -

2020ko ekainak 28

«Hezkuntza publikoaren aldeko apustu argi bat eskatu nahi diot»

Beste hauteskunde kanpaina bat iritsi da eta, horrekin batera, alderdi politikoen proposamenen eta proiektuen arteko lehia. Eskerrak eman nahi dizkiot BERRIAri galdera honi erantzuteko aukera emateagatik: «Zer eskatuko zenioke lehendakariari?». Dena dela, lehendakariari ezer eskatu aurretik, dei egingo nieke hautagaiei eta eskatuko nieke agenda politikoan sartzeko hezkuntza eta, horrekin batera, unibertsitatea. Proposamen zehatzak entzun nahi nituzke unibertsitate publikoari buruz, eta gustatuko litzaidake gai horri buruz eztabaidatzea, era eraikitzaile batean.

Hori esanda, lehendakariari eskatuko nioke apustu argi bat egiteko hezkuntza publikoaren alde. Pairatu dugun pandemian, argi ikusi dugu unibertsitate publikoa, irakaskuntzaren, ikerketaren eta dibulgazio zientifikoaren bidez, gai izan dela gizartearen premiei erantzuteko. Alarma egoera ezarri zenetik, goitik behera aldatu behar izan da unibertsitatearen jarduera. Baina gai izan gara aurrera egiteko: aldatu egin genuen gure prestakuntza eredua, irakasten jarraitzeko egoera oso zail batean, eta ikertzen jarraitu genuen, pandemiarekin lotutako gaietan, besteak beste. Bestalde, irakasle eta ikertzaile askok azalpenak eman zituzten hedabideetan, krisiari buruz eta hari aurre egiteko moduei buruz, hainbat espezialitatetatik: biologia, medikuntza, fisioterapia, erizaintza, psikologia, soziologia, filosofia, historia… Gizarteak galdera asko egiten zituen eta unibertsitate publikoa saiatu da horiei guztiei erantzuten. Ekarpen hori, ikusezina bada ere, balio kalkulaezina duen ekarpen bat da.

Hezkuntza publikoa, osasun publikoarekin batera, benetako babes soziala da. Nozitu dugun pandemia beste froga bat izan da, biak ala biak ezinbestekoak direla erakusten duena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna