Eperrak saltsan

GORKA RUBIO / ARGAZKI PRESS.
Iker Markinez.
2013ko abenduaren 7a
00:00
Entzun
OSAGAIAK

4 pertsonarentzako osagaiak:

4 eper

12 xerra fin hirugihar

2 tipula eder

2 azenario

2 errezil sagar

Litro erdi ardo beltz

Basokada bat Oporto

Piper beltza

Gatza

Oliba olioa

Lehenik, eperrak lumatu eta garbitu. Ondoren, hirugihar xerrak eperraren bueltan ipini. Horrek frijitu eta gero hezetasuna emango dio haragiari. Lapiko handi batean, oliba olio zorrotada batekin ongi gorrituko ditugu sutan.

Azenarioak, errezil sagarrak eta tipulak ere txikituta gehituko ditugu lapiko horretara, beste olio zorrotada batekin, gatzarekin eta piper beltz xehatuarekin batera.

Lapikoan ditugun osagai horiek ahalik eta ondoen gorritzea oso garrantzitsua da, gorritasun horrek emango baitio bukaerako saltsari behar duen indarra.

Osagaiak gorrituak ditugunean, sua bizitu, ardoa eta Oportoa gehitu, eta hamar bat minutuz irakiten eduki. Horrek ardoaren alkohola lurrindu egingo du.

Lapikora ura gehituko dugu, eperrak ondo estali arte. Beste gatz pixka bat bota, eta bi orduz egosi; oraingoan, su ertainean. Denbora hori pasatu ostean, eperrak kontu handiz beste lapiko batera aterako ditugu.

Aurreko lapikoan gelditu zaizkigun osagai guztiak txanotik pasatu, eta eperrak jarritako lapikora bota. Azkenik, lapiko hori berriro sutan jarriko dugu, eperrak bigunak daudela ziurtatu arte. Platerean zerbitzatu, eta mahaira eraman.
Iruzkinak
Ez dago iruzkinik

Ordenatu
0/500
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.