Barazki eta txipiroi risotoa

JON URBE  / ARGAZKI PRESS.
Iker Markinez.
2012ko otsailaren 4a
00:00
Entzun
OSAGAIAK

4 pertsonarentzako osagaiak:

Arroz bonba (400 g)

Dozena bat txipiroi txiki

Kalabaza bat

Ziazerba sorta bat

Azenario bat

Tipulin bat / Bi baratxuri ale

Tomatea

Oliba olio birjina / Gatza

Parmatar gazta

Koilarakada bat gurin

Txipiroiak garbitu eta zati txikietan moztu.

Kalabazina eta azenarioa garbitu, azenarioa zuritu eta biak karratu txikietan moztu. Baita tipulina eta baratxuri aleak ere.

Lapiko batean txorrotada bat oliba olio bota eta ongi berotu ondoren, gehitu txipiroi pusketak bertara. Pare bat minutuz erregosi eta pixpal baten laguntzarekin guztiak atera eta gorde. Lapiko berean beste olio txorrotada bat gehitu eta bertara barazki guztiak gehitu. Gatz pitin bat bota. 20 bat minutuz erregosi su motelean.

Ondoren, tomatea eta ziazerbak moztu zatietan, eta lapikora gehitu. Beste bost minutuz erregosi, eta nahastu. Ondoren, arroza gehitu, eta ura bota, arrozaren kantitatearen hirukoitza. Beste gatz pixka bat bota, eta irakiten hastean gorderik geneuzkan txipiroi zatiak ere bertara nahastu. Irakiten eduki 20 minutuz. Kontuan hartu bost minututik behin arroza ongi nahastu behar dugula.

Sua itzali, 100 bat gramo parmatar gazta birrindu eta koilaraka-da bat gurin gehitu eta nahastu beste pare bat minutuz. Dagoeneko prest izango dugu risotoaren itxura berezi hori dastatzeko. On egin!
Iruzkinak
Ez dago iruzkinik

Ordenatu
0/500
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.