Albistea entzun

Elikadura. Errezeta

Krema ingelesa

Iker Markinez -

2013ko otsailak 16

OSAGAIAK

4 pertsonarentzako osagaiak:

Litro bat baserriko esne.

10 arrautza gorringo.

250 gramo azukre.

Banilla makila.

Banilla makila erditik zatitu, eta barruan dituen hazitxoak atera; ondoren, lapikoan jarri esnearekin batera. Sutan jarri, eta bertan eduki irakin arte. Ondoren, itzali.

Bitartean, ontzi batean, arrautza gorringoak eta azukrea bost minutuz etengabe irabiatu, irabiagailuaren lagutzaz. Ondoren, esnearen erdia gorringoak ditugun ontzira gehitu, eta ongi nahastu. Nahastu ondoren, beste esne erdia dugun lapikora dena irauli.

Berriz ere sua piztu, baina oraingoan ahalik eta su motelenean, irakin gabe. Etenik gabe esnea mugitu egurrezko koilara baten laguntzaz. Hauxe izango da errezeta honetako unerik garrantzitsuena; izan ere, irakiten hasiko balitz, galdu egingo litzateke, eta ez genuke kremarik lortuko. Beraz, etengabe mugitu, gutxi gorabehera 85- 90 gradu hartu arte. Termometrorik ez baduzue, kremaren lodierarekin konturatuko zarete noiz dagoen egina: koilara kremaz bete eta behatza pasatuz gero kremaren arrastoa gelditzen denean. Horixe da krema sutatik ateratzeko garaia.

Jarraian, beste ontzi batera pasatu, berotik kendu beharrean baikaude. Pare bat minutuz etengabe nahasten jarraitu. Ondoren, ongi hozten utzi, eta prest daukagu kopatxo edo kikaratan zerbitzatzeko .

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Olatu sinkronizatua

Berria

Bi urte barru Europako kultur hiribirua izateko bidean, bosgarren Olatu Talka lehertu da asteburu honetan Donostian, 250etik gora proposamen sinkronizatu eskainita parte hartu nahi duen orori. Sormena, kirola —argazkian, Easo igeriketa taldeko kideen atzoko erakustaldia—, aldarrikapena eta elkartasuna nahastu dira egitarauan. Donostiatik kanpo ere zabaldu da aurten eskaintza, gainera.

Alarmak piztuta

Berria

Nafarroan, berezko arraza batzuk galzorian

60 urteko gaztea

Berria

Fender Stratocaster gitarra elektrikoa, 1954tik doinuka

Hemen da Olentzero

Berria

Gaur kalez kale eta etxez etxe ibiliko da, haurren begiradapean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.