Elikadura. Errezeta

Untxia eta txanpiñoiak oporto erara

JON URBE / ARGAZKI PRESS

Iker Markinez -

2013ko ekainak 15

OSAGAIAK

4 pertsonarentzako osagaiak:

Untxi bat eta erdi.

300 g txanpiñoi.

3 baratxuri ale.

Tipulina bat.

Oporto basokada bat.

Haragi salda basokada bat.

Gatza.

Oliba olioa.

Untxiak laurdenetan moztuko ditugu. Oliba olioaz igurtzi eta gatz pitin bat bota. Labeko erretilu batean ipini, eta haragi salda pitin bat botako diogu untxiari, bere hezetasuna mantendu dezan labean erretzean. Gainontzeko salda gorde.

Labea berotzen jarri, 180 gradutan, eta beroa dagoenean, bertan sartu eta 20 minutuz eduki. Bitartean, txanpiñoiak garbitu eta xafletan moztu.

Tipula ere mokor txikietan moztu. Zartagin handi batean, oliba olio zorrotada batekin erregosten jarri. Gatza gehitu, eta su bizian mantendu, 15 minutuz.

Ondoren, txanpiñoiak gehitu eta 5 minutuz erregosi, tipulinarekin batera. Oporto basokada bat gehitu eta irakiten eduki 15 minutu inguru, alkohol guztia lurrundu dadin. Gelditzen zaigun haragi salda gehitu eta irakiten eduki beste 10 minutuz, saltsak zapore indartsuagoa har dezan. Labetik untxia ateratakoan, pusketei buelta eman eta berriro labean sartu, beste 20 minutuz.

Oraingo honetan ere oliba olio zorrotada txiki bat gehitu, baita baratxuri xehetuta ere. Azkenik, labeko erretilua atera, eta zartaginean dugun saltsa erretilura gehitu. Guztia ongi nahastu; horrela, saltsak untxiaren zapore guztia hartuko du.

Zerbitzatzea besterik ez zaigu gelditzen. Untxi pusketak plateretan banatu eta saltsarekin busti. Oportoaren ordez, sagardo, garagardo edo ardo txuria ere erabil dezakezue.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pilotazale batzuk maskararekin, uztailaren 4an Labriten. / ©Idoia Zabaleta, Foku

Maskara beti jartzera derrigortzea aztertzen ari da Nafarroako Osasun Departamentua

Berria

Gutxieneko distantzia mantenduta ere neurri hori ezartzea aztertzen ari da, azken agerraldien joera eteteko.

Iruñerko Nabarreria kalea asteon. ©Iñigo Uriz / FOKU

Iruñeko agerraldian 21 kasu atzeman dituzte

Amaia Ramirez de Okariz Kortabarria

Hego Euskal Herrian, guztira 64 positibo erregistratu dira azken orduetan. Eskoriatzan (Gipuzkoa) PCR proban positibo eman zuen gizonezko bat hilik aurkitu dute etxean.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna