Elikadura. Errezeta

Antxoak tipulin eta baratxuri freskoekin

GORKA RUBIO / ARGAZKI PRESS

Iker Markinez -

2014ko martxoak 29
OSAGAIAK

4 pertsonarentzako osagaiak:

Kilo bat antxoa.

Hiru tipulin.

Baratxuri fresko sorta bat.

Oliba olio birjina.

Gatza.

Perrexila.

Lehenik, tipulinak garbitu, eta juliana moduan fin-fin moztu.

Zartagin bat ipini sutan, eta oliba olio zorrotada bat bota. Su ertainean, tipulina erregosten eduki gatz pitin batekin, hamar bat minutuz.

Baratxuri freskoak ere garbitu, eta horiek ere juliana moduan moztu. Tipulina dugun zartaginera gehitu, eta beste hamar minutuz guztia erregosi.

Antxoei burua eta tripak kendu, eta sukaldeko paper baten laguntzaz ongi lehortu. Guztiak gatzatu. Tipulinen zartagina sutik kendu, eta, argazkian ikusten den bezala, antxoa guztiak txukun-txukun jarri bata bestearen ondoan, tipulin eta baratxurien gainean. Zilar paperarekin, zartagin guztia estali.

Zartagina berriro sutan ipini, eta lau minutuz su ertainean eduki. Han sortuko den beroak ez du ihes egingo; beraz, bapore horrekin egingo dira antxoak.

Ondoren, zilarrezko papera kendu, perrexil xehatua gainetik bota, eta prest dugu plater goxoa dastatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna