4 pertsonarentzako osagaiak:
Ahate gibela (500/600 gr.)
Hostopil xafla bat
Bi tipulin berri
Baba freskoa, 400 gr.
Portoko ardo kopa bat
Melokotoi konfitura koilarakada bat
Oliba olio birjina / Gatza
• Lehenik, hostopila lantzen hasiko gara. Labea 180 gradutan jarri; laukizuzen formako puskatan moztu hostopil xafla; zortzi laukizuzen lortu behar dira. Labean sartu hogei bat minutuz.
• Bitarte horretan, baba freskoak aletu. Lapiko bat urez bete eta irakiten jarri; babak bertan denbora gutxiz (pare bat minutuz) galdarraztatu. Ondoren, ur hotzetatik pasa eta aleak banan-banan zuritu. Pazientziaz, duten azala errez kenduko diegu.
• Zartagin batera oliba olio txorrotada bat bota, eta bertan tipulinak, puxketa txikitan moztuak, su motelean erregosi —hogei bat minutuz—; gatz pitin bat ere bota. Denbora hori pasa ostean, platerean ditugun babak zartagira gehitu eta sua itzali.
• Zartagin bat berotzen jarri, plantxa bat balitz bezala. Ahate gibela zortzi xaflatan moztu. Pusketei gatza bota eta zartagian ipini; minutu batez eduki alde bakoitzeko. Zartagian gelditu zaigun koipe guztia kendu eta Portoko ardo kopatxoa eta koilarakada bat konfitura gehitu. Minutu pare batez su bizian irakiten eduki, eta Porto saltsa lortuko dugu.