Albistea entzun

Elikadura. Errezeta

Frantziar lekak perretxiko eta otarrainxkekin

JUAN CARLOS RUIZ / ARGAZKI PRESS

Iker Markinez -

2013ko martxoak 16

OSAGAIAK

4 pertsonarentzako osagaiak:

600 g leka.

200 g perretxiko.

Dozena bat otarrainxka.

Tomate ale bat.

2 baratxuri ale.

Oliba olioa.

Gatza.

Frantziar leken berezitasuna da lekak borobilak direla. Behin egosi ondoren, kolore berde bizia hartzen dute eta haragi mamitsua daukate. Lekek bi ertzetan dituzten gogortasunak kendu, eta ontzi batean ipini ur hotzetan, hamar bat minutuz. Horrela, garbitu egingo dira, eta urez hidratatu ere bai.

Lapiko bat urarekin ipini, eta irakiten jarri, gatz pitin batekin. Irakitean lekak bertara bota, eta 15 bat minutuz irakiten eduki. Ondoren, berriz ere, ur hotzetara pasatu, egosi puntua gorde dezaten.

Zartagin batean oliba olio zorrotada bat jarri, eta bi baratxuri aleak txiki-txiki moztu, eta gehitu. Baratxuriak dantzan hastean, perritxikoak osorik bota. Hiru bat minutuz dena ongi erregosi, eta ontzi batera atera, eta gorde.

Beste zartagin batera olio zorrotada bat bota, eta dugun tomate alea karratu txikietan moztuta oliora gehitu; gatz pitin bat bota, eta pare bat minutuz eduki su motelean.

Bitartean, otarrainxkak zuritu, eta zartagin batera bota. Bi minutuz eduki ondoren, buelta eman, eta lekak eta perretxikoak gehitu. Guztia berotu arte eduki zartagian, nahastuz, eta prest izango da platerera zerbitzatzeko.

Argazkian ikusten den bezala, tomateari azala kenduz gero, azalarekin apaingarri polit bat egin daiteke.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Olatu sinkronizatua

Berria

Bi urte barru Europako kultur hiribirua izateko bidean, bosgarren Olatu Talka lehertu da asteburu honetan Donostian, 250etik gora proposamen sinkronizatu eskainita parte hartu nahi duen orori. Sormena, kirola —argazkian, Easo igeriketa taldeko kideen atzoko erakustaldia—, aldarrikapena eta elkartasuna nahastu dira egitarauan. Donostiatik kanpo ere zabaldu da aurten eskaintza, gainera.

Alarmak piztuta

Berria

Nafarroan, berezko arraza batzuk galzorian

60 urteko gaztea

Berria

Fender Stratocaster gitarra elektrikoa, 1954tik doinuka

Hemen da Olentzero

Berria

Gaur kalez kale eta etxez etxe ibiliko da, haurren begiradapean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna