Elikadura. Errezeta

Bakailao kokotxak gari zainzuri eta piper freskoekin

JUAN CARLOS RUIZ / ARGAZKI PRESS

Iker Markinez -

2013ko apirilak 13
OSAGAIAK

4 pertsonarentzako osagaiak:

Kilo bat kokotxa

2 piper handi

Dozena bat garizainzuri

Gatza

Oliba olioa

Perrexila

Lehenik, labea berotzen ipini 200 gradutan; ondoren, piperrak garbitu, eta labeko erretilu batean jarri. Labera sartu, eta 30 minutuz erreko ditugu. Labetik atera eta gero epeltzen utziko ditugu, zuritu aurretik.

Lapiko bat urez bete, eta irakiten jarri. Bitartean, gari zainzuriak zuritu, eta ura irakiten hastean, bota gatz pitin bat. Komeni da zazpi bat minutuz egosi eta gero ur hotzetara pasatzea, erabat hozteko eta bere puntu egokia mantentzeko.

Plantxa bat berotzen ipini, eta kokotxak gaztu ondoren plantxan jarri. Hasieran, azalaren aldetik lau minutuz berotu. Kokotxei buelta eman aurretik, kostratxo bat egingo zaie; horrek emango digu pista buelta noiz eman jakiteko. Ondoren, beste hiru bat minutuz eduki, eta erretilu batera pasa.

Zartagin batean eta olio zorrotada on batekin, piperrak eta gari zainzuriak berotuko ditugu. Modu txukunean, kokotxak eta barazkiak olioarekin bustiko ditugu. Bukaeran, perrexil xehetua gehitu, eta jateko prest izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna