LARREPETIT

Egun on, Foronda

Manex Agirre -

2017ko uztailak 27

Kezkaz ikusi dut, euskararen kale-erabileraren neurketen emaitzen aurrean, hizkuntza-politikaren arduradun zenbait emaitzen irakurketa homeopatiko samarra egiten, edo, zuzenean, datuak edo (kezkagarriagoa) datuak jasotzeko metodologia, hau da, neurketaren izaera bera, erlatibizatzen. Ez baitira onak, datuak; inori ez zaio eskapatzen hori, eta, ados, ez da kontua apokalipsiaren turutak jotzea, baina badirudi emaitza kezkagarrien ondorio zuzena dela neurketaren nolakotasuna beharrik ez dagoenean aipatzea. Eta hori ez da oso jarrera zientifikoa. Susmo bat dakar: emaitzak ez balira horren kezkagarriak, neurketari kasurik ez egin, eta emaitzei erreparatuko geniekeela, besterik gabe.

Erremediorik gabeko baikorra izaki, ez duzue hemen irakurriko agonia-itxurako iruzkinik. Aurreranzko ihesik gabeko hiru pentsamendu inozo, besterik ez:

Baga: Gero eta gehiago amorrarazten naute euskararen ezagutzaren eta erabileraren arteko aldea nabarmendu, eta listo, horretan geratzen diren analisiek. Iruditzen zait mezu horrek hiztunengan ez duela jada balio komunikatiborik, are gutxiago pedagogikorik. Gehiago hitz egin behar genuke hizkuntzaren bizi-indarraz (non dago horren neurgailua, indizea?). Eta oraindik gehiago hiztunon bizi-indarraz (gauza bera dira, ezta?).

Biga: Kale neurketaren datuak txarrak dira. Eta halako datuek tentsioan jartzen naute. Atezuan. Urduri. Baina ez dut neure burua lasaitzeko beharrik sentitzen. Piztu egiten naute.

Eta higa: askotan ikusten dut, goizetan, lanera bidean, hegazkinen bat Forondako aireporturako lurreratze-maniobrak egiten. Eta burura datorkit: euskara ez da Bilbon (bakarrik) salbatuko. Euskara salbatuko da hegazkin horren pilotu espainiarrak, Forondan lurreratu behar duenean, Heathrown lurreratu behar duenean bezala, bere buruari kontrol-dorrearekin zein hizkuntzatan egin behar duen gogorarazi behar dionean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna